ଗୁମଲା,୭।୧୨: ଝାଡ଼ଖଣ୍ଡ ବିଧାନସଭା ନିର୍ବାଚନ ପାଇଁ ଶନିବାର ଦ୍ୱିତୀୟ ପର୍ଯ୍ୟାୟ ଭୋଟ ଗ୍ରହଣ ଆରମ୍ଭ ହୋଇଛି। ଏହି ସମୟରେ ଗୁମଲା ଜିଲାର ସିସାଇ ବିଧାନସଭା ଅଞ୍ଚଳରେ ବୁଥ୍ ନମ୍ବର ୩୬ରେ ଗୁଳିମାଡ ହୋଇଥିବା ସୂଚନା ମିଳିଛି। ଇଣ୍ଡୋ-ତିବତାନ ବର୍ଡର ପୋଲିସ(ଆଇଟିବିପି) ପକ୍ଷରୁ ଏହି ସୂଚନା ଦିଆଯାଇଛି। ସିସାଇ ବିଡିଓଙ୍କ ଗାଡ଼ି ଉପରକୁ ମଧ୍ୟ ଗୁଳିମାଡ କରାଯାଇଛି। ଖବର ପାଇ ସିଆର୍ପିଏଫ୍ ଟିମ୍ ଘଟଣାସ୍ଥଳରେ ପହଞ୍ଚିଛନ୍ତି। ସେଠାରେ ଭୋଟରଙ୍କୁ ଭୋଟ ଦେବାକୁ ବାରଣ କରିବା ସହ ପ୍ରଥମେ ପଥରମାଡ କରାଯାଇଥିଲା। ଏହାକୁ ଦେଖି ପୋଲିସ ଫାଇରିଂ କରିଥିଲା। ଏସବୁ ଘଟଣାକୁ ଦେଖି ସେଠାରେ ଉପସ୍ଥିତ ଥିବା ପ୍ରିଜାଇଡିଂ ଅଫିସର ନିଜ ସ୍ଥାନ ଛାଡି ଏକ କୋଠରୀରେ ପଶି ଯାଇଥିବା କୁହାଯାଉଛି। କେତେଜଣ ଭୋଟରଙ୍କ ଦ୍ୱାରା ପ୍ରଥମେ ପଥର ମାଡ କରାଯିବାରୁ ପୋଲିସ ଘଟଣାକୁ ଆୟତ୍ତ କରିବାକୁ ଯାଇ ଗୁଳି ଚଳାଇଥିବା ଜଣାପଡିଛି। ଏବେ ସେଠାରେ ଭୋଟ ଗ୍ରହଣ ବନ୍ଦ ରହିଛି।
