ଝାରସୁଗୁଡା ଅଫିସ,୮।୬: ଝାରସୁଗୁଡ଼ା ବିଧାୟକ ତଥା ରାଜ୍ୟ ସରକାରଙ୍କ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ମନ୍ତ୍ରୀ ନବ କିଶୋର ଦାସ ମନ୍ତ୍ରୀ ପଦରୁ ଇସ୍ତଫା ଦେଉଥିବା ନେଇ ଜିଲାରେ ଚର୍ଚ୍ଚା ଜୋର୍ ଧରିଛି। ସହରର ବିଭିନ୍ନ ଛକ ଓ ଦୋକାନରେ ଏହି ଆଲୋଚନା ହେଉଛି। ଏମିତିକି ବିଜେଡି କର୍ମକର୍ତ୍ତାଙ୍କ ମହଲରେ ମଧ୍ୟ ଏହି ଚର୍ଚ୍ଚା ହେଉଛି। ତେବେ ଏହି ଖବରରେ କୌଣସି ସତ୍ୟତା ନ ଥିବା ଓ ଏହା ଗୁଜବ ବୋଲି ମନ୍ତ୍ରୀଙ୍କ ନିକଟତର ଲୋକେ କହୁଛନ୍ତି। ଏ ନେଇ ମନ୍ତ୍ରୀ ଦାସଙ୍କୁ ତାଙ୍କ ମୋବାଇଲରେ ଯୋଗାଯୋଗ କରାଯାଇଥିଲେ ସୁଦ୍ଧା ସେ ଫୋନ୍ ଉଠାଇ ନ ଥିବା ଜଣାପଡ଼ିଛି।
ପ୍ରକାଶ ଯେ, କୋଭିଡ କିଟ୍ କିଣିବା ନେଇ ଅନିୟମିତତା ହୋଇଥିବା ବିରୋଧୀ ଅଭିଯୋଗ କରିଛନ୍ତି। ନିକଟରେ ରାଜ୍ୟ ସରକାରଙ୍କୁ ବଞ୍ଚାଇବାକୁ ଯାଇ କେନ୍ଦ୍ର ସରକାରଙ୍କ ଗାଇଡ୍ଲାଇନ ଅନୁସାରେ ଏହି ସବୁ ସାମଗ୍ରୀ କ୍ରୟ କରାଯାଉଥିବା ସେ ସଫେଇ ଦେଇଥିଲେ। ଏହି ଘଟଣା ଜିଲା ରାଜନୈତିକ ମହଲରେ ଏବେ ଚର୍ଚ୍ଚାର ବିଷୟ ପାଲଟିଛି।
