30 August 2011, Rajasthan,India: Local girls meeting Mabel van Oranje on a tour of rural Rajasthan, India at Bonli and Hanuta villages meeting with local leaders and village girls to discuss the issue of child marriage. Picture by Graham Crouch/The Elders
ମାଦ୍ରିଦ: ପିଲାବେଳେ ଝିଅମାନେ ସକ୍ରିୟ ରହିଲେ ଯୁବାବସ୍ଥାରେ ପୁଅମାନଙ୍କ ତୁଳନାରେ ସେମାନଙ୍କ ଫୁସଫୁସ ସୁସ୍ଥ ରହେ ବୋଲି ଏକ ଗବେଷଣାରୁ ଜଣାପଡିଛି । ଏ ସମ୍ବନ୍ଧିତ ତଥ୍ୟ ଦି ଇଣ୍ଟରନ୍ୟାଶନାଲ ଜର୍ନାଲ ଅଫ୍ ଏପିଡେମିଓଲୋଜିରେ ପ୍ରକାଶ ପାଇଛି। ଗବେଷଣାରେ ସାମିଲ ଝିଅ ଓ ପୁଅମାନଙ୍କର ପିଲାଦିନରୁ ଯୁବାବସ୍ଥା ଯାଏ ଶାରୀରିକ ବ୍ୟାୟାମ ସହ ଫୁସ୍ଫୁସ୍ର କି ସମ୍ପର୍କ ରହିଛି ତାହା ଉପରେ ଅନୁଧ୍ୟାନ କରାଯାଇଥିଲା। ଗବେଷକମାନେ ଆକ୍ଟିଗ୍ରାଫ ସେନ୍ସର ମାଧ୍ୟମରେ ପିଲାମାନଙ୍କର ଶାରୀରିକ ଶ୍ରମକୁ ରେକର୍ଡ କରିଥିଲେ। ଏହା ୧୧, ୧୩ ଓ ୧୫ ବର୍ଷ ବୟସରେ ୭ଦିନ ଲେଖାଏ ରେକର୍ଡ କରାଯାଇଥିଲା। ସେମାନଙ୍କ ଫୁସଫୁସର କାର୍ଯ୍ୟଧାରାକୁ ମଧ୍ୟ ସ୍ପୋରୋମେଟ୍ରି ମାଧ୍ୟମରେ ୮ ଓ ୧୫ ବର୍ଷ ବୟସରେ ଅନୁଧ୍ୟାନ କରିଥିଲେ ଗବେଷକମାନେ। ଏହାପରେ ଯେଉଁ ଝିଅମାନେ ପିଲାଦିନେ ମଧ୍ୟମ ଓ କଠିନ ଶ୍ରମ ମାଧ୍ୟମରେ ଅଧିକ ସକ୍ରିୟ ରହୁଥିଲେ ସେମାନଙ୍କ ପୁସ୍ଫୁସ୍ର କ୍ଷମତା ଯୁବାବସ୍ଥାରେ ପୁଅମାନଙ୍କ ଠାରୁ ଭଲ ରହିଥିଲା।