ମୁମ୍ବାଇ: କରୋନା ଲକ୍ଡାଉନ ଯୋଗୁ ଫିଲ୍ମ ଓ ସିରିୟଲ୍ର ସମସ୍ତ ଶୁଟିଂ ବନ୍ଦ ରହିଛି। ଫଳରେ ଅଭିନେତା ଓ ଅଭିନେତ୍ରୀମାନେ ଭିନ୍ନ ଭିନ୍ନ ଉପାୟରେ ନିଜର ସମୟ ବିତାଉଛନ୍ତି। ଏଥିସହ ସେମାନଙ୍କ କାର୍ଯ୍ୟକଳାପର ସମସ୍ତ ଫଟୋ ଓ ଭିଡିଓକୁ ସୋସିଆଲ ମିଡିଆରେ ଶେୟାର କରି ପ୍ରଶଂସକଙ୍କ ମନରୋଞ୍ଜନ ମଧ୍ୟ କରୁଛନ୍ତି। ଏହି ରେସ୍ରେ ବଲିଉଡ୍ ଅଭିନେତା କୁନାଲ ଖେମୁ ମଧ୍ୟ ପଛରେ ପଡ଼ିନାହାନ୍ତି। ନିକଟରେ କୁନାଲ ଝିଅ ଇନାୟାଙ୍କ ସହ ଏକ ଭିଡିଓ ଇନ୍ଷ୍ଟାଗ୍ରାମରେ ଶେୟାର କରିଛନ୍ତି। ଯେଉଁଥିରେ ଇନାୟା ବାପା କୁନାଲଙ୍କ ସହ ଯୋଗ କରୁଥିବାର ଦେଖିବାକୁ ମିଳିଛି। ପ୍ରଥମେ କୁନାଲ ତାଙ୍କୁ ଯୋଗର ସମସ୍ତ ପ୍ରକ୍ରିୟା ଶିଖାଉଥିବା ବେଳେ ଇନାୟା ମଧ୍ୟ ତାଙ୍କୁ ଅନୁକରଣ କରୁଥିବା ଦେଖାଯାଇଛି। ଏଥିରେ ଇନାୟା ବେଶ୍ କ୍ୟୁଟ ନଜର ଆସିଛନ୍ତି। ତାଙ୍କର ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓଟି ଶେୟାର ହେବାର କିଛି ସମୟ ମଧ୍ୟରେ ଏହାକୁ ଲକ୍ଷାଧିକ ଲୋକ ଦେଖିଥିବା ବେଳେ ପ୍ରଶଂସକଙ୍କୁ ଏହା ମନରୋଞ୍ଜନର ଖୋରାକ ଯୋଗାଇଛି।