ମୁମ୍ବାଇ: ଧାରାବାହିକ ‘କୁମ୍କୁମ୍’ ଯୋଗେ ଘରେ ଘରେ ଲୋକପ୍ରିୟ ହୋଇଥିବା ଜୁହି ପରମାରଙ୍କ ଜୀବନକୁ ପୁଣି ଫେରିପାରନ୍ତି ସ୍ବାମୀ ସଚିନ ଶ୍ରଫ୍। ନିକଟରେ ଅଲାଦିନର ସ୍ପେଶାଲ୍ ସ୍କ୍ରିନିଂ ଅବସରରେ ଉଭୟଙ୍କୁ ଏକା ସାଙ୍ଗରେ ଦେଖାଯାଇଥିଲା। ଫଳରେ ଅଲଗା ହେବା ପରେ ଆଉ ଥରେ ଉଭୟ ଏକାଠି ହୋଇପାରନ୍ତି ବୋଲି ଚର୍ଚ୍ଚା ହେଉଛି। ତେବେ ଏହାକୁ କିନ୍ତୁ ଖଣ୍ଡନ କରିଛନ୍ତି ଜୁହି। ସେମାନେ ଝିଅ ପାଇଁ ଏକାଠି ହୋଇଥିବା ପ୍ରତିକ୍ରିୟାରେ କହିଛନ୍ତି।
ମେ ୨୨ରେ ଅଲାଦିନର ସ୍ପେଶାଲ ସ୍କ୍ରିନିଂ ରଖାଯାଇଥିଲା। ଜୁହି ଓ ସଚିନ ଝିଅ ପାଇଁ ଏଠାରେ ପହଞ୍ଚିଥିଲେ। ମାତ୍ର ଉଭୟ ଗଣମାଧ୍ୟମ ପ୍ରତିନିଧିଙ୍କୁ ଦେଖି ପଛ ଗେଟ୍ରେ ଥିଏଟରରେ ପହଞ୍ଚିଥିଲେ। ଫିଲ୍ମ ଦେଖିବା ପରେ ଉଭୟଙ୍କୁ ଏକାଠି କ୍ୟାମେରା ସ୍ପଟ୍ କରିଥିଲା। ଏହାକୁ ନେଇ ଅନେକେ ପ୍ରଶ୍ନ କରିଥିଲେ। ତେବେ ସେମାନେ ପ୍ରଥମେ ପିତାମାତା ଏବଂ ପରେ ଆଉ କିଛି ବୋଲି ମତ ରଖିଥିଲେ। ଉଭୟ ସମ୍ପର୍କର ତିକ୍ତତାକୁ ଭୁଲି ଝିଅକୁ ଭଲରେ ଲାଳନପାଳନ କରିବେ ବୋଲି ନିଷ୍ପତ୍ତି ନେଇଛନ୍ତି। ଛାଡ଼ପତ୍ର ନେଇଥିଲେ ମଧ୍ୟ ଝିଅଠାରୁ ଦୂର ହୋଇନାହୁଁ ବୋଲି ସେମାନେ କହିଥିଲେ। ଏଣୁ ଉଭୟ ପୁଣି ଥରେ ଏକାଠି ହୋଇପାରନ୍ତି ବୋଲି ଚର୍ଚ୍ଚା ହେଉଛି।