ମୁମ୍ବାଇ,୧।୬: ଜଣେ ଜଳଖିଆ ଦୋକାନି ଇଡ୍ଲି ସହିତ ଖିଆ ଯାଉଥିବା ଚଟ୍ଣି ଟଏଲେଟ୍ ପାଣିରେ ତିଆରି କରୁଥିବାର ଭିଡ଼ିଓ ଏବେ ସୋସିଆଲ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି। ଭିଡ଼ିଓ ଦେଖିବାପରେ ମୁମ୍ବାଇ ସ୍ବାସ୍ଥ୍ୟ ବିଭାଗ ପକ୍ଷରୁ ଏନେଇ ପୋଲିସକୁ ସୂଚନା ଦିଆଯାଇଥିଲା। ପୋଲିସ ସମ୍ପୃକ୍ତ ବ୍ୟକ୍ତିଙ୍କ ସନ୍ଧାନରେ ଖୋଳତାଡ଼ ଆରମ୍ଭ କରିଛି। ତେବେ ବ୍ୟକ୍ତି ଜଣକ ଭିଡ଼ିଓ ଉଠାଯାଇଥିବା ସ୍ଥାନରୁ ନିଜ ଦୋକାନ ହଟାଇନେଇ ଅନ୍ୟତ୍ର ଚାଲିଯାଇଥିବା କୁହାଯାଉଛି। ଦୋକାନି ଜଣକ ଚଟ୍ଣିରେ ଟଏଲେଟ୍ରୁ ପାଣି ଆଣି ଢ଼ାଳୁଥିବା ଭିଡ଼ିଓରେ ଦେଖିବାକୁ ମିଳୁଛି।