କଟକସଦର,୧୨ା୧(ଡି.ଏନ୍.ଏ.): ଇନ୍ଦିରା ଆବାସ ନିର୍ମାଣ ପାଇଁ ୨୦୦୦ରୁ ୨୦୧୪ ମସିହା ମଧ୍ୟରେ କାର୍ଯ୍ୟାଦେଶ ଏବଂ ଅନୁଦାନ ପାଇବା ସତ୍ତ୍ୱେ ଯେଉଁମାନେ ଗୃହ ନିର୍ମାଣ କରିନାହାନ୍ତି, ସେମାନଙ୍କ ପାଇଁ ପ୍ରଶାସନ ପକ୍ଷରୁ ଏକ ସ୍ବତନ୍ତ୍ର ସୁବିଧା ଘୋଷଣା କରାଯାଇଥିଲା ା ନେଇଥିବା ଟଙ୍କା କିସ୍ତିରେ ଫେରାଇଲେ ପରବର୍ତ୍ତୀ ସମୟରେ ଉକ୍ତ ହିତାଧିକାରୀଙ୍କୁ ୧ ଲକ୍ଷ ୨୦ ହଜାର ଟଙ୍କିଆ ଘର ମିଳିବ। ଏହି ସୁବିଧାର ସୁଫଳ ୨୩ଟି ପଞ୍ଚାୟତର ୨୨୭ ଜଣ ହିତାଧିକାରୀ ଉପକୃତ ହେବେ। ଶୁକ୍ରବାର ଟଙ୍କା ଫେରସ୍ତର ଶେଷ ଦିନ ରହିଥିଲା। ବ୍ଲକ କର୍ତ୍ତୃପକ୍ଷ ୩୩ ଲକ୍ଷ ଟଙ୍କା ସଂଗ୍ରହ କରିଛନ୍ତି। ଏମାନଙ୍କୁ ଆବାସ ଯୋଜନାରେ ସାମିଲ କରାଯାଇ ଅଗ୍ରାଧିକାର ଭିତ୍ତିରେ ଘର ଯୋଗାଇ ଦିଆଯିବ ବୋଲି ରାଜ୍ୟ ପଞ୍ଚାୟତିରାଜ ଏବଂ ପାନୀୟ ଜଳ ବିଭାଗ ପକ୍ଷରୁ ନଭେମ୍ବରରେ ଘୋଷଣା କରାଯାଇଥିଲା। ଉକ୍ତ ବ୍ଲକର ୭୫ ହିତାଧିକାରୀ ଟଙ୍କା ଫେରସ୍ତ ପାଇଁ ଆବେଦନ କରିଥିଲେ। ଚଳିତ ମାସ ଶେଷ ପର୍ଯ୍ୟନ୍ତ ଫେରସ୍ତ ଅବଧି ବଢ଼ାଇବାକୁ ଦାବି ହୋଇଛି।