ଆୟୁର୍ବେଦ ଶାସ୍ତ୍ରାନୁଯାୟୀ ଦୈନିକ ଖାଦ୍ୟପେୟ ଉପରେ ଧ୍ୟାନ ଦେଲେ ଅନେକ ରୋଗ ଲାଗି ମେଡିକାଲ ଯିବାକୁ ପଡ଼ି ନ ଥାଏ। କାରଣ ପ୍ରାଥମିକ ଅବସ୍ଥାରେ ଅନେକ ସମସ୍ୟାକୁ ରୋକାଯାଇପାରେ। ହେଲେ ସ୍ବାସ୍ଥ୍ୟଗତ ସମସ୍ୟା ବଡ଼ରୂପ ନେଲେ ତାହାକୁ ରୋକିବା ସମ୍ଭବ ହୋଇ ନ ଥାଏ। କିସ୍ମିସ୍ ଏଭଳି ଏକ ଜିନିଷ, ଯାହାକୁ ଖାଇବା ଫଳରେ ଅନେକ ରୋଗରୁ ମୁକ୍ତି ମିଳିଥାଏ। ଜାଣନ୍ତୁ ସେ ସମ୍ପର୍କରେ କେତୋଟି କଥା…
ଟାଇଫଏଡ୍: ଦୀର୍ଘ ଦିନ ଧରି ଲାଗି ରହିଥିବା ଟାଇଫଏଡ୍ରୁ କିସ୍ମିସ୍ ମୁକ୍ତି ଦେଇଥାଏ। ରାତିରେ କ୍ଷୀରରେ ଏହାକୁ ଫୁଟାଇ ପିଇବା ଫଳରେ ଏହି ଜ୍ୱର ଭଲ ହୋଇଯାଇଥାଏ।
ଆଖି: ଏହା ଆଖି ଲାଗି ଅଧିକ ଫଳପ୍ରଦ ହୋଇଥାଏ। ଏହାକୁ ରାତିରେ ପାଣିରେ ଭିଜାଇ ସକାଳେ ଖାଇବା ଫଳରେ ଦୃଷ୍ଟିଶକ୍ତି ବଢ଼ିଥାଏ।
ଛୋଟପିଲାଙ୍କ ପାଇଁ: ଛୋଟ ପିଲାଙ୍କଠାରେ ରୋଗ ପ୍ରତିରୋଧକ ଶକ୍ତି କମ୍ ଥାଏ। ଫଳରେ ସେମାନେ ବାରମ୍ବାର ଅସୁସ୍ଥ ହୋଇଥାଆନ୍ତି। ଏହି ସମସ୍ୟାରୁ ରକ୍ଷା ପାଇବା ପାଇଁ ସେମାନଙ୍କୁ ଦୈନିକ ୫ ରୁ ୬ଟି କିସମିସ୍ ଖୁଆନ୍ତୁ।
ଗଳା: କିସ୍ମିସ୍ରେ ଥିବା ଆଣ୍ଟି ବ୍ୟାକ୍ଟେରିଆ ତତ୍ତ୍ୱ ଗଳାଜନିତ ସମସ୍ୟାକୁ ଦୂର କରିଥାଏ।
କୋଷ୍ଠକାଠିନ୍ୟରୁ ମୁକ୍ତି: ଏହା ପାଚନକ୍ରିୟାକୁ ମଜଭୁତ କରିବା ସହିତ କୋଷ୍ଠକାଠିନ୍ୟ ସମସ୍ୟାରୁ ମୁକ୍ତି ଦେଇଥାଏ।