ପାଟଣା,୨୩।୯(ସ୍ବ.ପ୍ର.)-କେନ୍ଦୁଝର ଜିଲା ପାଟଣା ବ୍ଲକ ମୁଖ୍ୟାଳୟଠାରୁ ୧୯ କି.ମି. ଦୂର ଡୁମୁରିଆ ପଞ୍ଚାୟତର ଉପାନ୍ତ ଅଞ୍ଚଳ ବଣମହୁଲଡିହା ମୁଣ୍ଡା ସାହିରେ ରବିବାର ସାରେ ଏକ ଅଭାବନୀୟ ଘଟଣା ଘଟିଛି। ପାରିବାରିକ କଳହକୁ କେନ୍ଦ୍ର କରି ସ୍ବାମୀଙ୍କ ଆକମ୍ରଣରେ ସ୍ତ୍ରୀଙ୍କ ମୃତ୍ୟୁ ଘଟିଛି। ମୃତକ ହେଲେ ମାନି ମୁଣ୍ଡା(୫୦) ା ଖବର ମିଳିବା ପରେ ପୋଲିସ ଘଟଣାସ୍ଥଳରେ ପହଞ୍ଚତ୍ ତଦନ୍ତ ଆରମ୍ଭ କରିଛି ା ଅଭିଯୁକ୍ତ ସ୍ବାମୀ ସୁନିଆ ମୁଣ୍ଡା (୫୫)ଫେରାର ଅଛନ୍ତି ା
ମିଳିଥିବା ସୂଚନା ଅନୁଯାୟୀ, ସୁନିଆ ଓ ମାନିଙ୍କ ମଧ୍ୟରେ କୌଣସି କାରଣରୁ ବଚସା ହୋଇଥିଲା। ଧିରେ ଧିରେ ଦୁହିଁଙ୍କ ମଧ୍ୟରେ କଳହ ବଢ଼ିଥିଲା ା ଏଥିରେ ସୁନିଆ ଉତ୍କ୍ଷିପ୍ତ ହୋଇ ମାନିଙ୍କ ମୁଣ୍ଡକୁ ଟାଙ୍ଗିଆ ବେଣ୍ଟରେ ଆକ୍ରମଣ କରିଥିଲେ। ଫଳରେ ଘଟଣା ସ୍ଥଳରେ ହିଁ ମାନିଙ୍କ ମୃତ୍ୟୁ ଘଟିଥିଲା। ଗାଁ ଚୌକିଆଙ୍କଠାରୁ ଖବର ପାଇ ଘଟଗାଁ ଥାନାଧିକାରୀ ବନ୍ଦନା ପାତ୍ର ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି। ବଣମହୁଲଡ଼ିହା ଅଞ୍ଚଳରେ ଅବାଧରେ ବେଆଇନ ଦେଶୀ ମହୁଲି ମଦର କାରବାର ଯୋଗୁ ଏପରି ଘଟଣା ବାରମ୍ବାର ଘଟୁଥିବା ନଜିର ରହିଛି ା ଅଭିଯୁକ୍ତ ସୁନିଆ ଫେରାର ଅଛନ୍ତି ା ପୋଲିସ ତାଙ୍କୁ ଧରିବା ପାଇଁ ତନାଘନା ଚଳାଇଛି ା