ନୂଆଦିଲ୍ଲୀ,୧୭।୪: ଏଣିକି ଭାରତରେ ଟିକ୍ଟକ୍ ଆପ୍ ଆଉ ଡାଉନଲୋଡ୍ ହେବନାହିଁ। ଗୁଗଲ୍ ପକ୍ଷରୁ ଟିକ୍ଟକ୍ ଭିଡିଓ ଆପକୁ ଭାରତରେ ବ୍ଲକ୍ କରାଯାଇଛି। ଏହି ଆପ୍ ଦ୍ୱାରା କିଶୋରୀ କିଶୋରଙ୍କ ମଧ୍ୟରେ ଅଶ୍ଳୀଳ ଏବଂ ଅରୁଚିକର ବାର୍ତ୍ତା ବ୍ୟାପୁଥିବା ଅଭିଯୋଗ ହେବାପରେ ଏପ୍ରିଲ ୩ ରେ ମାଡ୍ରାସ ହାଇକୋର୍ଟ ଏହି ଆପ୍ ଉପରେ ପ୍ରତିବନ୍ଧକ ଲଗାଇବାକୁ କେନ୍ଦ୍ରକୁ ନିର୍ଦ୍ଦେଶ ଦେଇଥିଲେ। ଏହାକୁ ନେଇ କେନ୍ଦ୍ର ସରକାରଙ୍କ ପକ୍ଷରୁ ସୁପ୍ରିମକୋର୍ଟରେ ଏକ ଜନସ୍ବାର୍ଥ ମାମଲା ଦାଏର କରାଯାଇଥିଲା। ପରେ ଗୁଗୁଲ ଏବଂ ଆପଲ ପ୍ଲେ ଷ୍ଟୋରରୁ ଏହି ଆପ୍କୁ ହଟାଇବା ପାଇଁ ସରକାରଙ୍କ ପକ୍ଷରୁ ନିର୍ଦ୍ଦେଶ ଦିଆଯାଇଥିଲା। ମଙ୍ଗଳବାର ବିଳମ୍ବିତ ରାତିପରେ ଏହାକୁ ହଟାଇ ଦିଆଯାଇଥିବା କୁହାଯାଉଛି। ସୂଚନାଯୋଗ୍ୟ, ଟିକ୍ଟକ୍ ଆପ୍କୁ ଚାଇନାର ବାଇଟ୍ ଡ୍ୟାନ୍ସ୍ ଟୋକ୍ନୋଲୋଜି ପକ୍ଷରୁ ପ୍ରସ୍ତୁତ କରାଯାଇଥିଲା। ଏହାଦ୍ୱାରା ଲିପ୍ ସିକିଙ୍ଗ୍ କରି ଶର୍ଟ ଭିଡ଼ିଓ ତିଆରି କରିବା ଯୁବବର୍ଗଙ୍କ ମଧ୍ୟରେ ବେଶ୍ ଲୋକପ୍ରିୟ ହୋଇପାରିଥିଲା।