ନୂଆଦିଲ୍ଲୀ,୨୩।୫: ଟିକ୍ଟକ୍ ଆପ୍ର ମୂଳ କମ୍ପାନୀ ବାଇଟଡାନ୍ସ ଲିମିଟେଡ୍ ବିଶ୍ୱର ମୋଷ୍ଟ ଭାଲ୍ୟୁଏବୁଲ ବା ସବୁଠାରୁ ଅଧିକ ମୂଲ୍ୟ ବିଶିଷ୍ଟ ଷ୍ଟାର୍ଟଅପ୍ ବୋଲି ଜଣାପଡିଛି। ପ୍ରାଇଭେଟ ଶେୟାର ଟ୍ରାଞ୍ଜାକଶନ କ୍ଷେତ୍ରରେ କମ୍ପାନୀର ଭାଲ୍ୟୁଏଶନ ୧୦୦ ବିଲିୟନ ଡଲାର ଟପିଥିବା ଜଣାପଡିଛି। ପ୍ରକ୍ରିୟା ସହ ଜଡିତ ଜଣେ ଅଧିକାରୀ ଏ ସମ୍ପର୍କରେ ସୂଚନା ଦେଇଛନ୍ତି। ଟିକ୍ଟକ୍ ଅଧିକ ବିଜ୍ଞାପନଦାତାଙ୍କୁ ଆକୃଷ୍ଟ କରିବା ନେଇ ଏବେ ସମ୍ଭାବନା ରହିଥିବାକୁ ବିଚାରକରି ଏହାର ଭାଲ୍ୟୁଏଶନ ବଢୁଥିବା ଜଣାପଡିଛି। ସେକେଣ୍ଡାରୀ ମାର୍କେଟରେ ଟିକ୍ଟକ୍ର ଭାଲ୍ୟୁ ପ୍ରାୟ ୧୦୫ରୁ ୧୧୦ ବିଲିୟନ ଡଲାର ମଧ୍ୟରେ ରହିବ ବୋଲି କେତେକ ଟ୍ରେଡ୍ର ମୂଲ୍ୟାଙ୍କନ କରିଛନ୍ତି। ବିଶ୍ୱର ପ୍ରମୁଖ କମ୍ପାନୀ ତଥା ଫଣ୍ଡିଂ ଏଜେନ୍ସିଠାରୁ ପୁଞ୍ଜି ଲାଭ କରିବାରେ ଚାଇନାର ଏହି ଷ୍ଟାର୍ଟଅପ୍ କମ୍ପାନୀ ବେଶ୍ ସକ୍ଷମ ହୋଇପାରିଛି। ଏକ ପ୍ରମୁଖ ସୋସିଆଲ ନେଟ୍ଓ୍ବର୍କ ସାଇଟ ଭାବେ ଏହା ଫେସ୍ବୁକ୍କୁ ପଛରେ ପକାଇପାରେ ବୋଲି ମନାଥନ ଭେଞ୍ଚର ପାର୍ଟନର୍ସ ନାମକ କମ୍ପାନୀର ପାର୍ଟନର ଆଣ୍ଡ୍ରିଆ ଓ୍ବାଲନେ ମତ ରଖିଛନ୍ତି।