ପାଟନା,୨୬।୭: ବିହାରର ଦରଭଙ୍ଗା ଜିଲାରେ ବନ୍ୟା ଜଳରେ ଉଛୁଳୁଥିବା ନଦୀକୁ ହେଇଁ ଯୁବକମାନେ ଟିକ୍ ଟକ୍ ଭିଡିଓ କରୁଥିବା ଘଟଣା ଏବେ ସାମ୍ନାକୁ ଆସିଛି। ବନ୍ୟା ପାଣିରେ ନଦୀ କୂଳ ଲଂଘୁଥିବା ବେଳେ ଏହାକୁ ଖାତିର ନ କରି ଖର ସ୍ରୋତକୁ ଡେଇଁ ପଡୁଛନ୍ତି ଅନେକ ଯୁବକ ଆଉ ପଛରେ ଥିବା ତାଙ୍କର କିଛି ସାଥୀ ଏହାର ଭିଡିଓ ରେକର୍ଡ କରୁଛନ୍ତି। ଗୁରୁବାର ଏମିତି କରୁଥିବା ବେଳେ ଜଣେ ଯୁବକ ବୁଡି ଯାଇଥିଲେ। ଏହାପରେ ଏମିତି ନ କରିବାକୁ ପ୍ରଶାସନ ପକ୍ଷରୁ ସତର୍କ କରାଯାଇଥିଲେ ମଧ୍ୟ ଏହାପ୍ରତି କାହାର ନଜର ନାହିଁ। ସୂଚନାଯୋଗ୍ୟ, ଚଳିତ ବର୍ଷ ବନ୍ୟାରେ ବିହାରରେ ମୃତ୍ୟୁ ସଂଖ୍ୟା ପାଖାପାଖି ୨ଶହ ଛୁଇଁଛି। ଏବେସୁଦ୍ଧା ଏଠାକାର ପ୍ରାୟ ୧୩ଟି ଗାଁ ବନ୍ୟା ଯୋଗୁ ବିଶେଷ ପ୍ରଭାବିତ ହୋଇଛନ୍ତି।