କ୍ରିକେଟରେ ସଫଳ ରହିବା ପରେ ଏବେ ଟିଭି ପରଦାରେ ନଜର ଆସିବେ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ। ଭାରତୀୟ ସେନା ଉପରେ ଆଧାରିତ ଏକ ଟିଭି ସିରିଜ୍ରେ ସେ ଭାଗ ନେବାର କାର୍ଯ୍ୟକ୍ରମ ରହିଛି। ଖୁବ୍ଶୀଘ୍ର ଧୋନୀ ଏହାର ଶୁଟିଂ ଆରମ୍ଭ କରିବେ ବୋଲି ଜଣାପଡିଛି। ଆଗାମୀ ବର୍ଷ ଏହି ଶୋ’ ଟିଭିରେ ପ୍ରସାରଣ କରାଯିବ। ସୂଚନାଯୋଗ୍ୟ, ଇଂଲଣ୍ଡରେ ଆୟୋଜିତ ହୋଇଥିବା ୨୦୧୯ ବିଶ୍ୱକପ୍ ପରେ ଧୋନୀ କ୍ରିକେଟରୁ ନିଜକୁ ଦୂରେଇ ରଖିଛନ୍ତି। ସେ ପୁଣି କେବେ କ୍ରିକେଟକୁ ଫେରିବେ ତାହା ଜଣାପଡିନାହିଁ। ଇତିମଧ୍ୟରେ ଧୋନୀ ଭାରତୀୟ ଟେରିଟୋରିଆଲ ଆର୍ମି ପାରାଶୁଟ୍ ରେଜିମେଣ୍ଟରେ ଟ୍ରେନିଂ ନେଇସାରିଛନ୍ତି।