ଲଣ୍ଡନ,୨୫।୫- ଭାରତୀୟ ଦଳକୁ ଶନିବାର ବଡ଼ ଆଶ୍ୱସ୍ତି ମିଳିଛି। ଭାରତୀୟ ଅଲ୍ରାଉଣ୍ଡର ବିଜୟ ଶଙ୍କରଙ୍କ ଆହତ ସମସ୍ୟା ଗୁରୁତର ନୁହେଁ। ତାଙ୍କ ରିଷ୍ଟର ସ୍କାନ କରାଯିବା ପରେ ଫ୍ୟାକ୍ଚର ହୋଇ ନ ଥିବା ଜଣାପଡ଼ିଛି। ହେଲେ ଆହତ ସମସ୍ୟା ଯୋଗୁ ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଓ୍ବାର୍ମଅପ୍ ମ୍ୟାଚ୍ରେ ସେ ଖେଳିପାରିନାହାନ୍ତି। ସେ ଏବେ ଲଣ୍ଡନରେ ବିଶ୍ରାମ ନେଉଛନ୍ତି। ବ୍ୟାଟିଂ ପ୍ରାକ୍ଟିସ ବେଳେ ଖଲିଲ ଅହମ୍ମଦଙ୍କ ଏକ ଶଟ୍ ପିଚ୍ ବଲ ଶଙ୍କରଙ୍କ ରିଷ୍ଟରେ ବାଜିଥିଲା। ଯନ୍ତ୍ରଣା ହେବା ପରେ ସେ ଆଉ ଅଭ୍ୟାସରେ ଅଂଶଗ୍ରହଣ କରି ନ ଥିଲେ। ସେ ବିସିସିଆଇର ମେଡିକାଲ ଟିମ୍ ତତ୍ତ୍ୱାବଧାନରେ ସୁସ୍ଥ ହେଉଛନ୍ତି। ଉଲ୍ଲଖଥାଉ କି, ଶଙ୍କର ଭାରତୀୟ ଦଳର ୪ର୍ଥ କ୍ରମରେ ବ୍ୟାଟିଂ କରିବା ଲାଗି ପ୍ରଥମ ପସନ୍ଦ। ସେ ୨୮ ତାରିଖରେ ଖେଳାଯିବାକୁ ଥିବା ବାଂଲାଦେଶ ବିପକ୍ଷ ଓ୍ବାର୍ମଅପ୍ ମ୍ୟାଚ୍ରେ ଖେଳିବା ନେଇ ଆଶା କରାଯାଉଛି।