ନୂଆଦିଲ୍ଲୀ,୧୬।୭: ୟୁକେରେ ଥିବା ଟିମ୍ ଇଣ୍ଡିଆର ଖେଳାଳିମାନେ ଛୁଟିରେ ଥିବାବେଳେ କୋଭିଡ୍ ଲାଗି ଉଦ୍ଧିଷ୍ଟ ନିୟମର ପାଳନ କରି ନ ଥିଲେ। ଫଳରେ ରିଷଭ ପନ୍ତଙ୍କ ସମେତ ଜଣେ ଆସିଣ୍ଟାଣ୍ଟ କୋଚ୍ ସଂକ୍ରମିତ ହୋଇ ଆଇସୋଲେଶନରେ ଅଛନ୍ତି। ଏହି ଘଟଣାରେ ଭାରତୀୟ ଖେଳାଳିଙ୍କୁ ସମର୍ଥନ ଜଣାଇଛନ୍ତି ପୂର୍ବତନ ଭାରତୀୟ ଅଧିନାୟକ ତଥା ବିସିସିଆଇର ସଭାପତି ସୌରଭ ଗାଙ୍ଗୁଲି।
ଦର୍ଶକଙ୍କ ଉପସ୍ଥିତିରେ ୟୁରୋ ଚାମ୍ପିୟନଶିପ୍ ଓ ଓ୍ବିମ୍ବେଲଡନ ଓପନ ଖେଳାଯାଇଥିଲା। ପରିସ୍ଥିତି ସହ ନିୟମ ବଦଳୁଛି (ଭେନ୍ୟୁରେ ଦର୍ଶକଙ୍କୁ ଅନୁମତି)। ଖେଳାଳିମାନେ ଛୁଟିରେ ଥିଲେ। ସବୁବେଳେ ମାସ୍କ ପିନ୍ଧିବା ସମ୍ଭବ ନୁହେଁ ବୋଲି ଆଗାମୀ ଟି୨୦ ବିଶ୍ୱକପ୍ ପ୍ରସ୍ତୁତି ଲାଗି ମସ୍କଟରେ ଥିବା ଗାଙ୍ଗୁଲି କହିଛନ୍ତି। ତେବେ ପନ୍ତ ଓ ସଂକ୍ରମିତ ସଦସ୍ୟମାନେ ସମୟରେ ସୁସ୍ଥ ହୋଇଯିବେ ବୋଲି ଆତ୍ମବିଶ୍ୱାସ ସହ କହିଛନ୍ତି ଦାଦା।