ନୂଆଦିଲ୍ଲୀ,୨୮।୧: ଟିମ୍ ଇଣ୍ଡିଆରେ ଗତ ୬ ମାସ ଧରି ମହେନ୍ଦ୍ର ସିଂ ଧୋନୀ ସାମିଲ୍ ନାହାଁନ୍ତି। ତେବେ ଟିମ୍ ଇଣ୍ଡିଆ ବ୍ୟବହାର କରୁଥିବା ବିସିସିଆଇର ବସ୍ରେ ଧୋନୀଙ୍କ ପାଇଁ ଉଦ୍ଦିଷ୍ଟ ସିଟ୍ ଖାଲି ପଡ଼ିଥିବା ନେଇ ସ୍ପିନର ୟୁଜବେନ୍ଦ୍ର ଚହଲ ସୂଚନା ଦେଉଥିବା ଏକ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଏହି ଭିଡ଼ିଓକୁ ବିସିସିଆଇ ପକ୍ଷରୁ ଶେୟାର କରାଯାଇଛି। ଧୋନୀ ଗତ ବର୍ଷ ଜୁଲାଇ ୯ରେ ତାଙ୍କର ଶେଷ ମ୍ୟାଚ୍ ନ୍ୟୁଜିଲାଣ୍ଡ ବିପକ୍ଷରେ ଖେଳିଥିଲେ। ଏହାପରେ ବିସିସିଆଇ ବସ୍ରେ ଧୋନୀଙ୍କ ପାଇଁ ଥିବା ସିଟ୍ରେ କେହି ବହୁ ନ ଥିବା ୟୁଜବେନ୍ଦ୍ର ଭିଡ଼ିଓରେ କହୁଥିବାର ଦେଖିବାକୁ ମିଳୁଛି। ଟିମ୍ ଇଣ୍ଡିଆ ମାହୀ ଭାଇଙ୍କୁ ମିସ୍ କରୁଥିବା ସେ ୧୬ ସେକେଣ୍ଡର ଏହି ଭିଡ଼ିଓରେ କହିଛନ୍ତି।