ନୂଆଦିଲ୍ଲୀ,୫।୫ (ପି.ଟି.): ଶେଷରେ ଭାରତୀୟ କ୍ରିକେଟ ଦଳର ବୋଲିଂ କୋଚ୍ ହେବାକୁ ଇଛାପ୍ରକାଶ କରିଛନ୍ତି ପାକିସ୍ତାନ ପୂର୍ବତନ ଦ୍ରୁତ ବୋଲର ସୋଏବ ଅଖତାର। ଯଦି ପ୍ରସ୍ତାବ ମିଳେ ତାହାଲେ ଭାରତର ବୋଲିଂ କୋଚ୍ ବୋକୁ ପିଛାଇବି ନାହିଁ ବୋଲି ସେ କହିଛନ୍ତି। ସୁଯୋଗ ମିଳିଲେ ଭାରତରେ ଅଧିକରୁ ଅଧିକ ଆକ୍ରମଣାତ୍ମକ, ଦ୍ରୁତ ବୋଲର ସୃଷ୍ଟି କରିପାରିବି ବୋଲି ସେ କହିଛନ୍ତି। ସୋସିଆଲ ନେଟଓ୍ବର୍କିଂ ଆପ୍ ‘ହେଲୋ’ରେ ଏକ ସାକ୍ଷାତକାର ଦେବା ଅବସରରେ ସେ ଏହି କଥା କହିଛନ୍ତି। ଏବେ ଭରତ ଅରୁଣ ଭାରତର ବୋଲିଂ କୋଚ୍ ରୂପେ ଦାୟିତ୍ୱ ତୁଲାଇଛନ୍ତି। ଭାରତୀୟ ବୋଲିଂ ବିଭାଗ ସହିତ ଜଡିତ ହେବାକୁ ଇଛା ଅଛି ଥିବା ନେଇ ପ୍ରଶ୍ନ ହେବାରୁ ସେ ଏହି କଥା କହିଛନ୍ତି।
ପ୍ରସ୍ତାବ ମିଳିଲେ ନିଶ୍ଚିୟ ଭାରତ ପାଇଁ କାର୍ଯ୍ୟ କରିବି। ବୋଲିଂ ସମ୍ପର୍କିତ ଜ୍ଞାନ ପ୍ରଚାର ଓ ପ୍ରାସର କରିବା ମୋର କାମ। ଯାହା ମୁଁ ଶିକ୍ଷା କରିଛି ତାହାକୁ ଅନ୍ୟାମାନଙ୍କୁ ବାଣ୍ଟିବି ଓ ଏହାର ପ୍ରଚାର କରିବି ଓ ଏବେକାର ବୋଲରଙ୍କଠାରୁ ଆହରୁ ଦକ୍ଷ ବୋଲର ସୃଷ୍ଟି କରିପାରିବି ବୋଲି ସେ କହିଛନ୍ତି। ଯୁବ କ୍ରିକେଟମାନଙ୍କ ସହ ନିଜର ଅଭିଜ୍ଞତା ବାଣ୍ଟିବାକୁ ସବୁବେଳେ ଆଗ୍ରହି ଅଛି। କେବଳ ସେତିକି ନୁହଁ ସେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ) ପ୍ରାଞ୍ଚାଇଜ୍ କୋଲକାତା ନାଇଟ୍ ରାଇଡର୍ସର ମଧ୍ୟ କୋଚ୍ ହେବାକୁ ଇଚ୍ଛା ପ୍ରକାଶ କରିଛନ୍ତି। ପୂର୍ବରୁ ଆଇପିଏଲର ପ୍ରାରମ୍ଭିକ ସଂସ୍କରଣରେ ସେ କୋଲକାତା ତରଫରୁ ଖେଳିଥିଲେ।
୧୯୯୮ ସିରିଜ ଅବସରରେ ଅଖତାର କ୍ରିକେଟ ଆଇକନ ସଚିନ ତେନ୍ଦୁଲକରଙ୍କ ସହ କଥାବାର୍ତ୍ତା କରିଥିଲେ। ଏବେ ଏ ନେଇ ସେ ନିଜର ମତ ରଖିଛନ୍ତି। ସଚିନଙ୍କୁ ଅଗରୁ ଦେଖିଥିଲି। ତେବେ ସେ ମହାନ ବ୍ୟକ୍ତି ବୋଲି ଜାଣି ନ ଥିଲି। ତେବେ ଚେନ୍ନାଇରେ ସଚିନଙ୍କୁ ଭାରତରେ ଭଗବାନଙ୍କ ଭଳି ସମ୍ମାନ କରାଯାଏ ବୋଲି ଜାଣିବାକୁ ପାଇଥିଲି। ସଚିନ ମୋର ଜଣେ ଭଲ ବନ୍ଧୁ। ୧୯୯୮ରେ ବହୁତ ଦ୍ରୁତ ଗତିରେ ବୋଲିଂ କରିଥାଏ। ସେତେବେଳେ ଭାରତୀୟ ପ୍ରଶଂସକ ମୋତେ ଚିୟର କରିଥିଲେ। ଭାରତରେ ମୋର ଫ୍ୟାନ ଫଲୋଇଙ୍ଗ୍ ଅଛି ଓ ଏଠାରେ ମୋର ଅଧିକ ପ୍ରଶଂସକ ରହିଛନ୍ତି ବୋଲି ଅଖତାର କହିଛନ୍ତି।
