ବେଙ୍ଗାଲୁରୁ,୨୩।୯: ସ୍ଥାନୀୟ ଚିନ୍ନାସ୍ବାମୀ ଷ୍ଟାଡିୟମରେ ରବିବାର ଭ୍ରମଣକାରୀ ଦକ୍ଷିଣ ଆଫ୍ରିକା ବିପକ୍ଷରେ ଖେଳାଯାଇଥିବା ଟି୨୦ ମ୍ୟାଚ୍ରେ ଭାରତୀୟ ଦଳକୁ ସମର୍ଥନ କରିବା ପାଇଁ ବେଙ୍ଗାଲୁରୁ ସହର ପୋଲିସ ପକ୍ଷରୁ ଏକ ଟୁଇଟ୍ କରାଯାଇଥିଲା। ବେଙ୍ଗାଲୁରୁ ସିଟି ପୋଲିସ ପକ୍ଷରୁ ନୋଟିସ କରାଯାଉଛି। ଏମ୍. ଚିନ୍ନାସ୍ବାମୀ ଷ୍ଟାଡିୟମରେ ଦ୍ରୁତ ଗତିରେ ବୋଲିଂ କରିବାକୁ ଆମେ ଅନୁମତି ଦେଉଛି। ଏଥିନେଇ ତଣ୍ଡ ଦେବାକୁ ପଡ଼ିବ ନାହିଁ। ଏହି ଟୁଇଟ୍ ଯୋଗୁ ବେଙ୍ଗାଲୁରୁ ପୋଲିସ ସମାଲୋଚିତ ହେବାକୁ ପଡ଼ିଛି। ଜଣେ ଟୁଇଟ୍ କରିଛନ୍ତି, ଏଭଳି ଟୁଇଟ୍ କରିବା ବଦଳରେ ଯେଉଁମାନେ ରାସ୍ତାରେ ଦ୍ରୁତ ଗତିରେ ଗାଡ଼ି ଚଲାଉଛନ୍ତି ସେମାନଙ୍କୁ ଧର। ଆଉ ତୁମ କର୍ମଚାରୀଙ୍କୁ ଲାଞ୍ଚ ନ ନେବା ପାଇଁ ସଚେତନ କରାଅ। ସେହିଭଳି ଆଉ ଜେଣ ଲେଖିଛନ୍ତି, ବେଙ୍ଗାଲୁରୁରେ କେହି ଦ୍ରୁତ ଗତିରେ ଗାଡ଼ି ଚାଳନା କରିପାରିବେ ନାହିଁ। ରାସ୍ତାରେ ଏତେ ଗାତ ଅଛି, ଗାଡ଼ି ଚଲାଇ ହେଉ ନାହିଁ। ସ୍ଥାନୀୟ ପୋଲିସର ସମର୍ଥନ ସତ୍ତ୍ୱେ ଭାରତକୁ ଦକ୍ଷିଣ ଆଫ୍ରିକା ୯ ଉଇକେଟରେ ହରାଇ ଦେଇଥିଲା।