ମେଲବୋର୍ନ,୩୧।୩(ପି.ଟି.)-ଅଷ୍ଟ୍ରେଲୀୟ ଟେଷ୍ଟ ଅଧିନାୟକ ଟିମ୍ ପେନ୍ଙ୍କ ମନିପର୍ସ ଚୋରି ହୋଇଛି। ଖବର ଅନୁସାରେ ହୋବାର୍ଟସ୍ଥିତ ନିଜ ବାସଭବନ ଆଗରେ ସେ ତାଙ୍କ କାର୍ଟିକୁ ପାର୍କ କରିଥିଲେ। କାର୍ ଛାଡି ସେ ବାହାରକୁ ଯାଇଥିଲେ। ଫେରିଲା ବେଳକୁ ତାଙ୍କ କାର ଡୋର୍ ଖୋଲା ଥିଲା। ପର୍ସଟି ନ ଥିଲା। ଚୋରିଯାଇଥିବା ପର୍ସଟିରେ ଅବଶ୍ୟ କିଛି ଜିନିଷ ନ ଥିଲା ବୋଲି ପେନ୍ କହିଛନ୍ତି।
ଉଲ୍ଲେଖଥାଉ କି, ବଲ୍ ଟ୍ୟାମ୍ପିରଂ ମାମଲାରେ ଷ୍ଟିଭ୍ ସ୍ମିଥ ନେତୃତ୍ୱ ନେବାରୁ ବାସନ୍ଦ ହୋଇଥିଲେ। ତେବେ ଏହି ବାସନ୍ଦ ଅବଧି କିଛି ଦିନ ପରେ ଶେଷ ହେବ। ଫଳରେ ପେନ୍ଙ୍କୁ ଟେଷ୍ଟ ଅଧିନାୟକ ପଦରୁ ଇସ୍ତଫା ଦେବାକୁ ହେବ। ତେବେ ସ୍ମିଥ୍ଙ୍କୁ ସେ ସମର୍ଥନ କରିଛନ୍ତି। ମୋତେ ଯେଉଁ ଦାୟିତ୍ୱ ଦିଆଯାଇଥିଲା ତାହାକୁ ଭଲ ଭାବେ ସମ୍ପାଦନ କରିବାକୁ ଚେଷ୍ଟ କରିଛି ବୋଲି ପେନ୍ କହିଛନ୍ତି। ସ୍ମିଥ୍ ଜଣେ ଉଚ୍ଚକୋଟୀର ଅଧିନାୟକ। ତାଙ୍କ ନେତୃତ୍ୱରେ ଅଷ୍ଟ୍ରେଲିଆ ଆହୁରି ଆଗକୁ ବଢିପାରିବ ବୋଲି ସେ କହିଛନ୍ତି। କରୋନା ଭାଇରସ୍ ପାଇଁ ସାରା ବିଶ୍ୱରେ ଲକ୍ଡାଉନ ଜାରି ରହିଥିବା ବେଳେ ପେନ୍ ଏବେ ସ୍ତ୍ରୀ ଓ ଦୁଇ ପିଲାଙ୍କ ସହ ସମୟ ବିତାଇବାରେ ମଜା ନେଉଛନ୍ତି।