ପାଲିକେଲ,୪।୯- ଶ୍ରୀଲଙ୍କା ବିପକ୍ଷ ଦ୍ୱିତୀୟ ଟି୨୦ ମ୍ୟାଚ୍ରେ ଭ୍ରମଣକାରୀ ନ୍ୟୁଜିଲାଣ୍ଡ ୨ଟି ବଲ୍ ଥାଇ ୪ ଉଇକେଟରେ ବିଜୟୀ ହୋଇଛି। ସ୍ଥାନୀୟ ପାଲିକେଲ ଅନ୍ତଜାତୀୟ ଷ୍ଟାଡିୟମରେ ମଙ୍ଗଳବାର ଅନୁଷ୍ଠିତ ଏହି ମୁକାବିଲାରେ ଟସ୍ ଜିତି ଶ୍ରୀଲଙ୍କା ପ୍ରଥମେ ବ୍ୟାଟିଂ କରି ୯ ଉଇକେଟ ହରାଇ ୧୬୧ ରନ୍ ସଂଗ୍ରହ କରିଥିଲା। ଜବାବରେ ନ୍ୟୁଜିଲାଣ୍ଡ ୧୯.୪ ଓଭରରେ ୬ ଉଇକେଟ ହରାଇ ୧୬୫ ରନ କରି ବିଜୟୀ ହୋଇଛି। ଫଳରେ ୩ ମ୍ୟାଚ୍ ବିଶିଷ୍ଟ ଏହି ସିରିଜରେ ୨-୦ରେ ଅଗ୍ରଣୀ ହେବା ସହ ନ୍ୟୁଜିଲାଣ୍ଡ ଆଗୁଆ ସିରିଜ ହାତେଇ ନେଇଛି। ୪ ଓଭର ବୋଲିଂ କରି ୧୮ ରନ ବ୍ୟୟ କରିବା ସହ ମୂଲ୍ୟବାନ ୨ ଉଇକେଟ ନେଇଥିବା ନ୍ୟୁଜିଲାଣ୍ଡ ଅଭିଜ୍ଞ ଦ୍ରୁତ ବୋଲର ତଥା ଅଧିନାୟକ ଟିମ୍ ସୌଦି ପ୍ଲେୟାର ଅଫ୍ ଦି ମ୍ୟାଚ୍ ବିବେଚିତ ହୋଇଛନ୍ତି।
ନ୍ୟୁଜିଲାଣ୍ଡ ତରଫରୁ କଲିନ ଡି ଗ୍ରାଣ୍ଡହୋମ ସର୍ବାଧିକ ୫୯(୪୬ ବଲ, ୨ ଚୌକା, ୩ ଛକା), ଟମ୍ ବ୍ରୁସ୍ (୪୬ ବଲ, ୩ ଚୌକା) ରନ ସଂଗ୍ରହ କରିଥିଲେ। ଅନ୍ୟମାନଙ୍କ ମଧ୍ୟରେ ଓପନର କଲିନ ମୁନରୋ ୧୩, ଉଇକେଟ କିପର ବ୍ୟାଟ୍ସମ୍ୟାନ ୧୫, ସ୍କଟ୍ କୁଗେଲେଜିନ୍ ୮ ରନ କରି ଆଉଟ ହୋଇଥିବା ବେଳେ ମିଚେଲ ସାଣ୍ଟନର ୧୦ ଓ ସୌଦି ବିନା ସ୍କୋରରେ ଅପରାଜିତ ରହିଥିଲେ। ବୋଲିଂରେ ଶ୍ରୀଲଙ୍କାର ଅକିଲା ଧନଞ୍ଜୟ ୩, ଇସୁରୁ ଉଡାନା ଓ ଓ୍ବାନିଣ୍ଡୁ ହାସରଙ୍ଗା ଗୋଟିଏ ଲେଖାଏ ଉଇକେଟ ଅକ୍ତିଆର କରିଥିଲେ।
ପ୍ରଥମେ ବ୍ୟାଟିଂ କରିଥିବା ଶ୍ରୀଲଙ୍କା ତରଫରୁ ନିରୋଶାନ ଡିକ୍ଓ୍ବେଲା ସର୍ବାଧିକ ୩୯, ଅଭିସ୍କା ଫର୍ନାଣ୍ଡୋ ୩୭, ଓପନର କୁଶାଲ ମେଣ୍ଡିସ୍ ୨୬, ଶେହାନ ଜୟସୂରିୟା ୨୦, ଇସୁରୁ ଉଡାନା ୧୩, କୁଲଶ ପେରେରା ୧୧, ଓ୍ବାନିଣ୍ଡୁ ହାସରଙ୍ଗା ୧୧ ରନ ସଂଗ୍ରହ କରି ଆଉଟ ହୋଇଥିଲେ। ନ୍ୟୁଜିଲାଣ୍ଡ ପକ୍ଷରୁ ବୋଲିଂରେ ସେଠ୍ ରାନ୍ସ ୩, ସୌଦି ଓ କୁଗେଲେଜିନ୍ ୨ଟି ଲେଖାଏ ଓ ଇଶ୍ ସୋଧୀ ଗୋଟିଏ ଉଇକେଟ ହାସଲ କରିଛନ୍ତି।
ସଂକ୍ଷିପ୍ତ ସ୍କୋର:
ଶ୍ରୀଲଙ୍କା ୨୦ ଓଭରରେ ୧୬୧/୯
(ଡିକ୍ଓ୍ବେଲା- ୩୯, ଫର୍ଣ୍ଣାଣ୍ଡୋ- ୩୭, ମେଣ୍ଡିସ୍- ୨୬, ଜୟସୂରିୟା-୨୦, ରାନ୍ସ- ୩/୩୩, ସୌଦି- ୨/୧୮, କୁଗେଲେଜିନ୍- ୨/୩୮)।
ନ୍ୟୁଜିଲାଣ୍ଡ ୧୯.୪ ଓଭରରେ ୧୬୫/୬
(ଗ୍ରାଣ୍ଡହୋମ- ୫୯, ବ୍ରୁସ୍- ୫୩, ଧନଞ୍ଜୟ- ୩/୩୬)।