କ୍ରିକେଟରେ ତ ଅନେକ ରେକର୍ଡ ସୃଷ୍ଟି ହୁଏ ଏବଂ ଅନେକ ରେକର୍ଡ ଭାଙ୍ଗେ, ହେଲେ ଏମିତି କଛି ରେକର୍ଡ ଅଛି ଯାହାକୁ କୌଣସି ଖେଳାଳି କିମ୍ବା ଟିମ ନିଜ ନାଁରେ କରିବାକୁ ଚାହିଁବେ ନାହିଁ। ଏଭଳି ଏକ ଲଜ୍ଜାଜନକ ରେକର୍ଡ ଜଣେ ଭାରତୀୟ ବୋଲରଙ୍କ ନାଁରେ ଅଛି। ଏହି ବୋଲର ହେଲେ ଷ୍ଟୁଆର୍ଟ ବିନି। ଏପର୍ଯ୍ୟନ୍ତ ମାତ୍ର ୩ଟି ଅନ୍ତର୍ଜାତୀୟ ଟି-୨୦ ମ୍ୟାଚ ଖେଳିଛନ୍ତି। ସେଥିମଧ୍ୟରେ ସେ ଏଭଳି ରେକର୍ଡର ଅଧିକାରୀ ହୋଇଛନ୍ତି। ଅଗଷ୍ଟ ୨୦୧୬ରେ ଖେଳାଯାଇଥିବା ୱେଷ୍ଟଇଣ୍ଡିଜ ବିପକ୍ଷ ମାଚରେ ଗୋଟିଏ ଓଭର ବୋଲିଂ କରି ୩୨ ରନ ଦେଇଥିଲେ। ଏହି ଓଭରରେ ସେ ପ୍ରଥମ ୫ଟି ବଲରେ ୫ଟି ଛକା ଖାଇଥିବାବେଳେ ଶେଷ ବଲରେ ୨ରନ ଦେଇଥିଲେ। ଏହା ପରେ ତାଙ୍କୁ ଆଉ ବୋଲିଂ କରିବାକୁ ଦିଆଯାଇ ନ ଥିଲା। ଫଳରେ ତାଙ୍କର ଏହି ମ୍ୟାଚରେ ବୋଲିଂର ଇକ୍ନୋମିକ ରେଟ ଥିଲା ୩୨।