ବ୍ରହ୍ମପୁର ଅଫିସ,୨୭ା୧୨-ବ୍ରହ୍ମପୁରରେ ସୂର୍ଯ୍ୟୋପରାଗର ପ୍ରଭାବ ଭୟକୁ ଦୂରେଇବା ପାଇଁ ବିଜ୍ଞାନ ଚେତନା ମଞ୍ଚ ବ୍ରହ୍ମପୁର ଶାଖା ପକ୍ଷରୁ ଟେଲିସ୍କୋପ ମାଧ୍ୟମରେ ସୂର୍ଯ୍ୟୋପରାଗ ଦେଖିବା ନେଇ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା। ଖଲ୍ଲିକୋଟ କଲେଜ ଖେଳପଡିଆରେ ସୂର୍ଯ୍ୟୋପରାଗ ପ୍ରଭାବକୁ ଖାତିର ନ କରି ବ୍ୟାୟାମ ତଥା ପ୍ରାତଃ ଭ୍ରମଣ ପାଇଁ ଆସିଥିବା ମହିଳା, ପୁରୁଷ, ଛାତ୍ରୀଛାତ୍ରଙ୍କୁ ପରାଗକୁ ନେଇ ରହିଥିବା ବୈଜ୍ଞାନିକ ତଥ୍ୟ ଉପରେ ସଚେତନ କରାଇଥିଲେ। ଏଥିସହ ସକାଳ ୮.୧୯ରୁ ପୂର୍ବାହ୍ନ ୧୧.୨୮ ପର୍ଯ୍ୟନ୍ତ ଦେଖାଦେବାକୁ ଥିବା ସୂର୍ଯ୍ୟୋପରାଗ ଦୃଶ୍ୟକୁ ଟେଲିସ୍କୋପ ମାଧ୍ୟମରେ ଦୃଶ୍ୟମାନ କରାଇଥିଲେ ା ତେବେ ସକାଳୁ ଆକାଶ ମେଘାଚ୍ଛନ୍ନ ଥିବାରୁ ସକାଳ ୯ ଟା ୩୩ ମିନଟ ସମୟରେ ପ୍ରାୟ ୫ ମିନଟ ପାଇଁ ବ୍ରହ୍ମପୁରର ଅକାଶରେ ପରାଗର ଦୃଶ୍ୟ ଦେଖିବାକୁ ମିଳିଥିଲା ା ଏହି ଦୃଶ୍ୟକୁ ଶତାଧିକ ଛାତ୍ରୀଛାତ୍ର, ପୁରୁଷ, ମହିଳା ପ୍ରମୁଖ ଟେଲିସ୍କୋପ ମାଧ୍ୟମରେ ଉପଭୋଗ କରିଥିଲେ ା ଏହି କାର୍ଯ୍ୟକ୍ରମରେ ବିଜ୍ଞାନ ଚେତନା ମଞ୍ଚର ଗଞ୍ଜାମ ଜିଲା ଆବାହକ ଶିବାନୀ ଶଙ୍କର ମିଶ୍ର, ସୁନୀଲ କୁମାର ବେହେରା, କେ. ଶିବ କିରଣ ଗୁରୁ ଓ ତନ୍ମୟ କରଣ ପ୍ରମୁଖ ସହଯୋଗ କରିଥିଲେ।