ଟୋକିଓ,୧୦।୯: ଜାପାନରେ ଦେଖାଦେଇଥିବା ଝଡ଼ ଟାଇଫୁନ୍ ଯୋଗୁ ସାଧାରଣ ଯୋଗାଯୋଗ ତଥା ପରିବହନ ବ୍ୟବସ୍ଥା ବାଧାପ୍ରାପ୍ତ ହୋଇଛି। ଟୋକିଓର ନାରିତା ବିମାନବନ୍ଦରରେ ଶହେଟି ବିମାନର ଉଡ଼ାଣକୁ ବାତିଲ କରାଯାଇଛି। ଫଳରେ ଏଠାରେ ସାରାରାତି ୧୭ ହଜାର ଯାତ୍ରୀ ଅଟକି ରହିଥିବା ବିମାନ ବନ୍ଦର କର୍ତ୍ତୃପକ୍ଷ ମଙ୍ଗଳବାର ସୂଚନା ଦେଇଛନ୍ତି। ଟ୍ରେନ୍ ଏବଂ ବସ୍ ପରିବହନ ଧିରେ ଧିରେ ସ୍ବାଭାବିକ ହେଉଛି। ଯାତ୍ରୀମାନେ ନିଜ ନିଜ ଘରକୁ ଫେରିବା ସହିତ ମନ୍ତବ୍ୟ ଅଭିମୁଖେ ଯାତ୍ରା କରିଥିବା ବିମାନବନ୍ଦର ମୁଖପାତ୍ର କେଇ ମିୟାହାରା ସୂଚନା ଦେଇଛନ୍ତି।