ବଲିଉଡ୍ ଅଭିନେତା ଅକ୍ଷୟ କୁମାର ଏବଂ ସ୍ତ୍ରୀ ଟ୍ବିଙ୍କିଲ୍ ସୋସିଆଲ ମିଡିଆରେ ବେଶ୍ ସକ୍ରିୟ।ଉଭୟଙ୍କ ମଜାକିଆ ଅନ୍ଦାଜ୍ ଦର୍ଶକଙ୍କ ବେଶ୍ ପସନ୍ଦ ଆସିଥାଏ। ଖାସ୍୍ ଭାବେ ଟ୍ବିଙ୍କିଲ୍ ବେଳେବେଳେ ଏମିତି କିଛି ସୋସିଆଲ ମିଡିଆରେ ପୋଷ୍ଟ କରିଥାନ୍ତି ଯାହା ଭାଇରାଲ ହୋଇଥାଏ। ନିକଟରେ ସେ ନିଜ ଇନଷ୍ଟାଗ୍ରାମରେ ଏକ ପିଆଜ କାନଫୁଲ ପୋଷ୍ଟ କରିଥିଲେ। ସବୁଠୁ ରୋଚକ କଥା ହେଉଛି ଏହି କାନଫୁଲଟି ତାଙ୍କୁସ୍ବାମୀ ଅକ୍ଷୟ କୁମାର ଉପହାରରେ ଦେଇଛନ୍ତି। କପିଲ ଶର୍ମା ଶୋ’କୁ ଫିଲ୍ମ ‘ଗୁଡ୍ନ୍ୟୁଜ୍’ର ପ୍ରମୋଶନ ପାଇଁ ଅକ୍ଷୟ ଏବଂ କରୀନା ଯାଇଥିଲେ। ସେଠାରେ କରୀନାଙ୍କୁ ଏହି କାନଫୁଲଟି ଉପହାର ଦିଆଯାଇଥିଲା। କିନ୍ତୁ ଏହାକୁ ସେ ପସନ୍ଦ କରି ନ ଥିଲେ। ଅକ୍ଷୟ ଟ୍ବିଙ୍କିଲଙ୍କ ପାଇଁ ସେହି କାନ ଫୁଲଟି ନେଇଆସିଥିଲେ। କାଳେ ମୋତେ ଏହି କାନଫୁଲଟି ପସନ୍ଦ ଆସିବା ଭାବି ଅକ୍ଷୟ ଆଣିଥିଲେ ବୋଲି ଟ୍ବିଙ୍କିଲ୍ କହିଛନ୍ତି। ଆଜିକାଲି ପିଆଜ ଦର ସାରା ଦେଶରେ ବୃଦ୍ଧି ପାଇଥିବାରୁ ପିଆଜକୁ ନେଇ ସୋସିଆଲ ମିଡିଆରେ କାର୍ଟୁନ ପ୍ରସ୍ତୁତ କରାଯାଉଥିବା ଦେଖାଯାଇଛି।