କେନ୍ଦୁଝର,୨୬ା୫(ଡି.ଏନ୍.ଏ.)-ପାରାଦ୍ୱୀପଠାରେ କେନ୍ଦୁଝର ଓ ସୁନ୍ଦରଗଡ ଜିଲାର ଟ୍ରକଗୁଡିକରୁ ଖଣିଜ ପଦାର୍ଥ ଅନଲୋଡକୁ ନେଇ ସୃଷ୍ଟି ହୋଇଥିବା ଅଚଳାବସ୍ଥା ଦୂର ହୋଇଛି ା କେନ୍ଦୁଝର ଜିଲାର ଘଟଗାଁଠାରେ ରାଜ୍ୟର ୧୦ଟି ଟ୍ରକମାଲିକ ସଂଘର ମିଳିତ ବୈଠକ ଅନୁଷ୍ଠିତ ହୋଇ ସମାଧାନର ପନ୍ଥା ବାହାର କରାଯାଇଛି ା ବୈଠକରେ ନିଷ୍ପତ୍ତି ଅନୁଯାୟୀ ପ୍ରତ୍ୟେକ ସଂଘର ୪ଜଣ ସଦସ୍ୟଙ୍କୁ ନେଇ ଏକ କୋର କମିଟି ଗଠନ ହେବା ସହ ଏହି କମିଟି ପାରାଦ୍ୱୀପଠାରେ ମାଲ ଅନଲୋଡ ସମ୍ପର୍କରେ ନିୟମିତ ତଦାରଖ କରିବେ ା କୌଣସି ଟ୍ରକ ଓଭରଟେକ କରିପାରିବେ ନାହଁି ବୋଲି ବୈଠକରେ ପ୍ରସ୍ତାବ ଉପରେ ସମସ୍ତେ ମୋହର ଲଗାଇଛନ୍ତି। ରାସ୍ତାରେ ସିସିଟିଭି ଲଗାଯିବା ସହ ନିୟମିତ ବ୍ୟବଧାନରେ ସମନ୍ବୟ କମିଟିର ବୈଠକ ବସିବ ବୋଲି ସ୍ଥିର ହୋଇଛି। କେନ୍ଦୁଝର ଟ୍ରକମାଲିକ ସଂଘ ସଭାପତି ରମାକାନ୍ତ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ କେନ୍ଦୁଝର, ଯୋଡା, ବଡବିଲ, କୋଇଡା, ଯାଜପୁର, ଚଣ୍ଡିଖୋଲ,ପାରାଦ୍ୱୀପ, ଜଗତସିଂହପୁର ଆଦି ମାଲିକ ସଂଘର କର୍ମକର୍ତ୍ତାମାନେ ଯୋଗ ଦେଇଥିଲେ। କେନ୍ଦୁଝର ଟ୍ରକମାଲିକ ସଂଘର ଯୁଗ୍ମ ସମ୍ପାଦକ ଦେବୁ ପଟ୍ଟନାୟକ, ରବି ନାରାୟଣ ଶତପଥି, ଦିଲ୍ଲୀପ କୁମାର ପାଣି,ଆଲୋକ ପରିଡା, ଛଇଳ ଜେନା, ସୂଯର୍ୟନାରାୟଣ କର, ଜୟନ୍ତ କୁମାର ବେହେରା, ଦିଲ୍ଲୀପ କୁମାର ପଣ୍ଡା, ଦେବାଶିଷ ପଟ୍ଟନାୟକ, ସଞ୍ଜୟ କୁମାର ସିଂହ ପ୍ରମୁଖ ଉପସ୍ଥିତ ଥିଲେ।