ଛେଣ୍ଡିପଦା, ୨୭।୧୦(ସ୍ବ.ପ୍ର.)- ଅନୁଗୋଳ ଜିଲା ନିଶା ଥାନା ଅନ୍ତର୍ଗତ ୬୩ ନଂ ରାଜ୍ୟ ରାଜପଥର ରାଇଝରଣଠାରେ ରବିବାର ଏକ ଟ୍ରକ୍ ଆଉ ଏକ ଟ୍ରକ୍ ପଛରେ ଧକ୍କା ହୋଇ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣେ ଖଲାସି ଗୁରୁତର ହୋଇଛନ୍ତି। ଗୁରୁତରଙ୍କ ପରିଚୟ ଜଣାପଡିନାହିଁ। ଘଟଣାରୁ ପ୍ରକାଶ, ଅନୁଗୋଳ-ଛେଣ୍ଡିପଦା ୬୩ ନମ୍ବର ରାଜ୍ୟ ରାଜପଥରରେ ଏକ ଟ୍ରକ୍ (ନଂ. ଓଡି୧୯ଏଫ ୯୯୨୦) ଆଇରନ ବୋଝେଇ କରି ଅନୁଗୋଳ ପଟକୁ ଯାଉଥିବା ବେଳେ ଆଗରେ ଯାଉଥିବା ଅନ୍ୟ ଟ୍ରକ୍ ପଛକୁ ଧକ୍କା ଦେଇଥିଲା। ଏଥିରେ ଆଇରନ ବୋଝେଇ ଟ୍ରକ୍ର ଚାଳକ ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ଆହତଙ୍କୁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ପଠାଇଛନ୍ତି। ତେବେ ୪/୫ ଜଣ ଲୋକେ ରାସ୍ତାପାର୍ ହେଉଥିବା ଦେଖି ଟ୍ରକ୍ ଚାଳକ ଭାରସାମ୍ୟ ହରାଇ ଅନ୍ୟ ଟ୍ରକ୍କୁ ଧକ୍କା ଦେଇଥିବା କେତେଜଣ ପ୍ରତ୍ୟକ୍ଷଦର୍ଶୀ କହିଛନ୍ତି। ଖବରପାଇ ନିଶା ଶିଳ୍ପାଞ୍ଚଳ ଥାନା ଏସ୍ଆଇ ଅରୁନ୍ଧତୀ ପରିଡା ଘଟଣାସ୍ଥଳରେ ପହଞ୍ଚତ୍ ଟ୍ରକ ଦୁଇଟିକୁ ଜବତ କରିଛନ୍ତି।