କେନ୍ଦୁଝର, ୧୬ା୫ (ସ୍ବ.ପ୍ର.)-କେନ୍ଦୁଝର ଜିଲା ବାଂଶପାଳ ବ୍ଲକ ଅନ୍ତର୍ଗତ ଶୁଆକାଠି ସ୍ଥିତ ଗନ୍ଧମାର୍ଦ୍ଦନ ଲୌହ ଖଣିରେ ଏକ ଟ୍ରକ ଓଲଟି ପଡିବାରୁ ଚାଳକଙ୍କର ମୃତ୍ୟୁ ହୋଇଛି। ମୃତକଙ୍କ ନାମ ସାଗର ଦେହୁରୀ (୩୧)। ଖଣିରୁ ଲୁହାପଥର ଲୋଡିଂ ହିଲଟପ ଉପରୁ ତଳକୁ ଓଜନ କଣ୍ଟାକୁ ଆସୁଥିବା ବେଳେ ଦିନ ପ୍ରାୟ ଦେଢ଼ଟାରେ ଏହି ଦୁର୍ଘଟଣା ଘଟିଥିଲା। ଟ୍ରକଟି ପ୍ରାୟ ୨୦ ଫୁଟ ତଳକୁ ଖସି ପଡି ଚୁରମାର ହୋଇଯାଇଛି। ବାରମ୍ବାର ଦୁର୍ଘଟଣା ଘଟୁଥିଲେ ହେଁ ସୁରକ୍ଷା ପ୍ରତି ଧ୍ୟାନ ଦିଆଯାଉନଥିବାରୁ ଅସନ୍ତୋଷ ବଢୁଛି। ଓମ୍ଏସି ଆଞ୍ଚଳିକ ପ୍ରବନ୍ଧକ ପ୍ରଶାନ୍ତ ସାହୁ କହିଛନ୍ତି ଯେ, ଲୁହାପଥର ଲୋଡ କରିଆସୁଥିବା ବେଳେ ଏହି ଦୁର୍ଘଟଣା ଘଟିଛି ା ଏ ନେଇ ପୋଲିସ ଘଟଣାର ତଦନ୍ତ କରୁଛି।