ନୂଆଦିଲ୍ଲୀ,୨୪।୨: ବିଶ୍ୱର ଶକ୍ତିଶାଳୀ ଦେଶର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ସହଧର୍ମିଣୀ ମେଲାନିଆ ଟ୍ରମ୍ପ ଓ ଝିଅ ଜ୍ୱାଇଁଙ୍କ ସହ ଭାରତ ଆସୁଛନ୍ତି। ତାଙ୍କୁ ସ୍ବାଗତ କରିବା ପାଇଁ ସମସ୍ତ ପ୍ରସ୍ତୁତି ସରିଛି। ସୋମବାର ସକାଳେ ସେ ଭାରତ ପହଞ୍ଚିବାକୁ ଥିବା ବେଳେ ଗୁଜରାଟର ଅହମଦାବାଦଠାରେ ଥିବା ସାବରମତି ଆଶ୍ରମ ନିକଟରେ ସ୍କୁଲ ପିଲାମାନେ ତାଙ୍କୁ ସ୍ବାଗତ କରିବାକୁ ଅପେକ୍ଷା ରଖିଥିବା ଦେଖାଯାଇଛି। ସୋଲୋ ଭଗବତ ସ୍କୁଲର ପିଲାମାନେ ଭାରତ ଓ ଆମେରିକାର ଜାତୀୟ ପତାକା ହାତରେ ଧରି ସ୍ବାଗତ ପାଇଁ ଅପେକ୍ଷା ରଖିଛନ୍ତି।