ଅଯୋଧ୍ୟା,୮ା୨(ପି.ଟି.): ରାମ ଜନ୍ମଭୂମି ନ୍ୟାସ ଅଧ୍ୟକ୍ଷ ମହନ୍ତ ନୃତ୍ୟଗୋପାଳ ଦାସ ନବଗଠିତ ରାମମନ୍ଦିର ଟ୍ରଷ୍ଟରୁ ବାଦ୍ ପଡ଼ିବା ପରେ କ୍ଷୁବ୍ଧ ହୋଇଛନ୍ତି। ତାଙ୍କୁ ମନାଇବା ପାଇଁ ଭାଜପା ପକ୍ଷରୁ ଉଦ୍ୟମ ଆରମ୍ଭ ହୋଇଛି। ଏଥିପାଇଁ ଭାଜପା ନେତା ତଥା ଅଯୋଧ୍ୟା ବିଧାୟକ ବେଦପ୍ରକାଶ ଗୁପ୍ତା, ମେୟର ଋଷିକେଶ ଉପାଧ୍ୟାୟ ପ୍ରମୁଖ ମନ୍ଦିରକୁ ପଠାଯାଇଥିଲା। ତେବେ ମହନ୍ତ ସେମାନଙ୍କୁ ମନ୍ଦିରରେ ପ୍ରବେଶ କରିବାକୁ ଦେଇ ନ ଥିଲେ। ସ୍ବରାଷ୍ଟ୍ର ମନ୍ତ୍ରଣାଳୟରୁ ମନ୍ଦିର ପରିଚାଳନା ବୋର୍ଡକୁ ଏକ ଫୋନ୍ କଲ୍ ଯାଇଥିଲା। ପରେ ଗୁପ୍ତା ମହନ୍ତ ଓ ସ୍ବରାଷ୍ଟ୍ରମନ୍ତ୍ରୀ ଅମିତ୍ ଶାହାଙ୍କ ମଧ୍ୟରେ ଟେଲିଫୋନ କଥାବାର୍ତ୍ତା କରାଇଥିଲେ। ଟ୍ରଷ୍ଟରେ ଖାଲିଥିବା ୩ଟି ପଦବୀରୁ ଗୋଟିଏ ମହନ୍ତ ନୃତ୍ୟଗୋପାଳଙ୍କୁ ଦିଆଯିବ ବୋଲି ପ୍ରତିଶ୍ରୁତି ଦିଆଯାଇଛି।