ରାୟଗଡ଼ା ଅଫିସ,୨।୧: ରାୟଗଡ଼ା ଜିଲା କୁର୍ଲୀ ପଞ୍ଚାୟତର ଉତକାପାଡ଼ୁ ଗ୍ରାମ ନିକଟରେ ଟ୍ରାକ୍ଟର ବାଇକ ମୁହାଁମୁହିଁ ହେବାରୁ ଘଟଣାସ୍ଥଳରେ ବାଇକ୍ ଚାଳକ କଣ୍ଡାଗରୀ କାନଟୁଙ୍କ ମୃତ୍ୟୁ ଘଟିଥିବାବେଳେ ପଛରେ ବସିଥିବା ସୋନା ଉଲ୍ଲକା ଆହତ ହୋଇଛନ୍ତି। ସେ ରାୟଗଡ଼ା ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି। ଘଟଣାସ୍ଥଳରୁ ଟ୍ରାକ୍ଟର ଡ୍ରାଇଭର ଫେରାର ହୋଇଯାଇଛନ୍ତି। ଉତକାପାଡ଼ୁରୁ ଗ୍ରାମ ଅଭିମୁଖେ ବାଇକ୍ ଆରୋହୀ ଯାଉଥିବା ବେଳେ ଟ୍ରାକ୍ଟରଟି ବିପରୀତ ଦିଗରୁ କୁର୍ଲୀ ଅଭିମୁଖେ ଆସୁଥିଲା। ବାଇକ୍ ଏବଂ ଟ୍ରାକ୍ଟରକୁ ଚାନ୍ଦିଲି ପୋଲିସ ଜବତ କରିଛି।