ବେଗୁନିଆ, ୧୩ା୨ (ଡି.ଏନ୍.ଏ): ବେଗୁନିଆ ସଦର ମହକୁମାରେ ବୁଧବାର ଟ୍ରାଫିକ ନିୟମର ବାର୍ତ୍ତା ଛୋଟ ପିଲାମାନେ ବାଣ୍ଟୁଥିବାର ଦେଖିବାକୁ ମିଳିଥିଲା। ତେବେ ପିଲାମାନେ ବିଭିନ୍ନ ପ୍ରକାର କୋତୁକିଆ ପୋଷାକରେ ପିନ୍ଧି ରାସ୍ତା ଘାଟରେ ଯାତାୟାତ କରୁଥିବା ଲୋକମାନଙ୍କୁ ଅନେକ ଶିକ୍ଷଣୀୟ ବିଷୟରେ ସଚେତନ କରାଇଥିଲେ। ଏପରିକି ପିଲାମାନେ ପୋଲିସ, ଅଗ୍ନିଶମ ବିଭାଗର କର୍ତ୍ତବ୍ୟ ଓ ମୂଲ୍ୟବୋଧ ସମ୍ପର୍କରେ ଲୋକମାନଙ୍କୁ ଅବଗତ କରାଇଥିଲେ। ଏଥିସହ ରାସ୍ତାରେ ଗମନାଗମନ କଲା ବେଳେ ଅନେକ ନିୟମ ରହିଛି। ସେଥିମଧ୍ୟରୁ ଟ୍ରାଫିକ ନିୟମ ହେଉଛି ଅନ୍ୟତମ। ହେ ଚାଳକ ମହାଶୟ ଆପଣମାନଙ୍କୁ ହସ୍ତ ଯୋଡି ଆମ୍ଭେ ନିବେଦନ କରୁଛୁ। ଟ୍ରାଫିକ ନିୟମକୁ ଆମ୍ଭେ ସମ୍ମାନ ଦେବା, ଯାହାଦ୍ୱାରା ଇଶ୍ୱର ଦତ୍ତ ଏହି ମୂଲ୍ୟବାନ ଧନ ଏବଯ ଜୀବନ ସୁରକ୍ଷିତ ରହିପାରିବ ବୋଲି ପିଲାମାନେ କହି ନିବେଦନ କରୁଥିଲେ। ବେଗୁନିଆ ନାଳନ୍ଦା ପବ୍ଲିକ ସ୍କୁଲର ଛାତ୍ରୀଛାତ୍ର, ପ୍ରଧାନ ଆଚାର୍ଯ୍ୟ ରାଜେଶ କୁମାର ସାହୁ, ପ୍ରତିଷ୍ଠାତା ଅଜୟ କୁମାର ସାହୁ, ଉପଦେଷ୍ଟା ଅଖିଳେଶ ମହାପାତ୍ର, ଗୁରୁମାଗୁରୁଜୀମାନେ ବାଣ୍ଟୁଥିବା ଏହି ସଚେତନତା ବାର୍ତ୍ତାରେ ସାମିଲ ହୋଇଥିଲେ।