ନୂଆଦିଲ୍ଲୀ, ୨୦ା୫ (ପି.ଟି.)-ଆଥଲେଟମାନଙ୍କ ଟ୍ରେନିଂ ଲାଗି ସରକାର ବିନା ଦର୍ଶକରେ ଷ୍ଟାଡିୟମ ଓ ସ୍ପୋଟର୍ସ କମ୍ପ୍ଲେକ୍ସ ଖୋଲିବାକୁ ଅନୁମତି ଦେଇଛନ୍ତି। ହେଲେ କୋଭିଡ୍-୧୯ ମହାମାରୀ ଯୋଗୁ ଖେଳାଳିମାନଙ୍କ ଲାଗି ଆଥଲେଟିକ୍ସ ଫେଡେରେଶନ ଅଫ୍୍ ଇଣ୍ଡିଆ(ଏଏଫ୍ଆଇ) ତରଫରୁ ନିଜସ୍ବ ଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜ୍ୟୁୟର(ଏସ୍ଓପି) ଜାରି କରାଯାଇଛି। ତଦାନୁସାରେ ଲକ୍ଡାଉନ୍ ବେଳେ ଖେଳାଳି ମାନେ ସେଲୁନକୁ ଯାଇ ପାରିବେ ନାହିଁ। କହାସହିତ କରମଦ୍ଦର୍ର୍ନ ଅବା ଆଲିଙ୍ଗନ କରିପାରିବେ ନାହିଁ। ପଡ଼ିଆରେ ଛେପ ପକାଇବେ ନାହିଁ। ସୋସିଆଲ ଗାଇଡ୍ଲାଇନ୍ ସହ ସରକାରଙ୍କ ଦ୍ୱାରା ଜାରି କରାଯାଇଥିବା ଅତିରିକ୍ତ ନିୟମକୁ ମାନି ଚଳିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି। ଏସଓପିରେ ରହିଥିବା ବ୍ୟବସ୍ଥା ଅନୁସାରେ ଜ୍ୱର, କାଶ ହେବା, ଛିଙ୍କିବା ଲକ୍ଷଣ ସମେତ ଅବସନ୍ନତା ଅନୁଭବ କରୁଥିବା ଆଥଲେଟମାନଙ୍କୁ ଟ୍ରେନିଂରୁ ବାରଣ କରାଯାଇଛି। ଏହି ଲକ୍ଷଣ ପରିଲକ୍ଷିତ ହେବାମାତ୍ରେ ସମ୍ପୃକ୍ତ ଆଥଲେଟ୍ ତୁରନ୍ତ ଏ ବିଷୟରେ ମୁଖ୍ୟ କୋଚ୍ କିମ୍ବା ହାଇପରଫର୍ମାନ୍ସ ଡାଇରେକ୍ଟରଙ୍କୁ ଅବଗତ କରାଇବେ। ବାହାର ଖାଦ୍ୟ ଖାଇବାକୁ ମଧ୍ୟ ମନା ରହିଛି। ଆଥଲେଟ୍ମାନଙ୍କୁ ସେମାନଙ୍କ ନିଜସ୍ବ ପାଣି ବୋତଲ, ଏନର୍ଜି ଡ୍ରିଙ୍କ୍ ବ୍ୟତୀତ ହ୍ୟାଣ୍ଡ ସାନିଟାଇଜର ଏବଂ ଟାଓ୍ବେଲ ବ୍ୟବହାର କରିବା ଲାଗି କୁହାଯାଇଛି। ଟ୍ରେନିଂ ଆରମ୍ଭ ହେବା ସମୟର ୫ ମିନିଟ ପୂର୍ବରୁଆଥଲେଟମାନଙ୍କୁ ସେମାନଙ୍କ ରୁମ୍ ଛାଡ଼ିବାକୁ ହେବ। ଟ୍ରେନିଂ ଶେଷ ହେବା ମାତ୍ରେ ଏଣେତେଣେ ବୁଲାବୁଲି ନ କରି ତୁରନ୍ତ ନିଜ ହଷ୍ଟେଲ ରୁମ୍କୁ ଫେରିବା ଲାଗି ସେମାନଙ୍କୁ କୁହାଯାଇଛି। ଆଥଲେଟମାନେ ଟ୍ରେନିଂ ବେଳେ ଫୁଲ୍ସ୍ଲିଭ୍ ଟି-ଶାର୍ଟ ପରିଧାନ କରିବେ। ଟ୍ରେନିଂ କଟକଣା ବେଳେ ସେମାନଙ୍କୁ ସାଉନା/ଆଇସ୍ ବାଥ୍ ସୁବିଧା ଉପଲବ୍ଧ ହେବ ନାହିଁ।