ଧର୍ମଶାଳା,୧୮।୫(ଡି.ଏନ.ଏ.): ଧାନମଣ୍ଡଳ ଷ୍ଟେଶନରେ ଶୁକ୍ରବାର ରାତି ୨ଟାରେ ଜଣେ ଟ୍ରକ୍ ଡ୍ରାଇଭର ରେଳଧାରଣା ପାର ହେଉଥିବାବେଳେ ଟ୍ରେନରେ କଟି ମୃତ୍ୟୁ ଘଟିଛି। ମୃତକ ନିରଞ୍ଜନ ମଲିକ (୪୨)ଙ୍କ ଘର କୁଆଖିଆ ଥାନା ମସୁରପୁର ଗ୍ରାମରେ। ସେ ଧର୍ମଶାଳା ଥାନା ଅନ୍ତର୍ଗତ ଛେଳିଆପଦା ଗ୍ରାମରେ ଘରଜ୍ୱାଇଁ ଭାବେ ରହି ଟ୍ରକ୍ ଚଲାଉଥିଲେ। ପ୍ରକାଶ ଯେ, ଶୁକ୍ରବାର ବିଳମ୍ବିତ ରାତିରେ ନିରଞ୍ଜନ ଧାନମଣ୍ଡଳଠାରେ ଟ୍ରକ୍ରୁ ସିମେଣ୍ଟ ଅନ୍ଲୋଡ କରି ରେଳଲାଇନ୍ ପାର ହୋଇ ପୁନ୍ନଶ୍ଚ ଟ୍ରକ୍ ପାଖକୁ ଫେରୁଥିଲେ। ଏହି ସମୟରେ ଦ୍ରୁତ ଗତିରେ ଆସୁଥିବା ଏକ ଟ୍ରେନ୍ ତାଙ୍କ ଉପରକୁ ମାଡିଯାଇଥିଲା। ଘଟଣାସ୍ଥଳରେ ହିଁ ନିରଞ୍ଜନଙ୍କର ମୃତ୍ୟୁ ହୋଇଥିଲା। ଶନିବାର ସକାଳେ ସ୍ଥାନୀୟ ଲୋକେ ଦେଖି କଟକ ଜିଆରପି ପୋଲିସକୁ ଖବର ଦେଇଥିଲେ। ଜିଆରପି ପୋଲିସ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ବଡ଼ଚଣା ପଠାଇ ଏକ ଅପମୃତ୍ୟୁ ମାମଲା (ନଂ.୩୪/୧୯) ରୁଜୁକରି ତଦନ୍ତ ଜାରି ରଖିଛି।