ଛତ୍ରପୁର,୩୦ା୧୨(ଡି.ଏନ.ଏ)-ଟ୍ରେନ୍ରେ ଜଣେ ଯାତ୍ରୀ ଛାଡି ଯାଇଥିବା ବ୍ୟାଗକୁ ଛତ୍ରପୁର ଆର୍ପିଏଫ୍ ଆଉଟପୋଷ୍ଟ ପକ୍ଷରୁ ତାଙ୍କୁ ସୋମବାର ହସ୍ତାନ୍ତର କରାଯାଇଛି। ଆନ୍ଧ୍ରପ୍ରଦେଶ ଶ୍ରୀକାକୁଲମ୍ ଜିଲା ଇଚ୍ଛାପୁରମ୍ ଗୋଲା ସାହିରେ ରହୁଥିବା କେ. ମନୋଜ ସୋମବାର କୋଣାର୍କ ଏକ୍ସପ୍ରେସ୍ରେ ତାଙ୍କ ବ୍ୟାଗ୍ ଛାଡି ଓହ୍ଲାଇ ପଡିଥିଲେ। ଏ ସମ୍ପର୍କରେ ସେ ଆରପିଏଫ୍କୁ ଜଣାଇଥିଲେ। ସେଠାରୁ ଛତ୍ରପୁର ଆର୍ପିଏଫ୍ ଆଉଟପୋଷ୍ଟକୁ ଏ ନେଇ ଖବର ଆସିଥିଲା। ଛତ୍ରପୁର ଷ୍ଟେଶନରେ ଟ୍ରେନ ଅଟକିବା ପରେ ସ୍ଥାନୀୟ ଆରପିଏଫ୍ ଆଉଟପୋଷ୍ଟର ଏସ. କେ. ପଣ୍ଡା ଓ ଏମ୍. ଆର୍. ରାଉତ ଏସ୍-୯ କୋଚ୍ର ୧୯ ନଂ. ସିଟ୍ରୁ ମନୋଜଙ୍କ ବ୍ୟାଗ୍ ପାଇଥିଲେ। ଯାଞ୍ଚ ପରେ ମନୋଜଙ୍କୁ ଉକ୍ତ ବ୍ୟାଗ୍ ହସ୍ତାନ୍ତର କରାଯାଇଛି। ଏ ନେଇ ଆର୍ପିଏଫ୍ କର୍ତ୍ତୃପକ୍ଷଙ୍କୁ ମନୋଜ ଧନ୍ୟବାଦ ଦେଇଛନ୍ତି।