କପ୍ତିପଦା,୨୭ା୩(ଡ଼ି.ଏନ୍.ଏ.)- ମୟୂରଭଞ୍ଜ ଜିଲା କପ୍ତିପଦା ଥାନା ଅଧୀନ ଶାଳଚୁଆ ପଞ୍ଚାୟତ ସୋଲଗଡିଆ ଦେହୁରୀ ସାହି ପକ୍ଷରୁ ବରଛକ ଠାକୁରାଣୀ ନିକଟରେ ଶୁକ୍ରବାର ଡାଳକଟା ପୂଜା ଅନୁଷ୍ଠିତ ହେଉଥିଲା ା ଲକ୍ ଡାଉନ ସତ୍ତ୍ୱେ ସାହି ବାସିନ୍ଦା ଏକତ୍ରିତ ହୋଇ ଢୋଲ ବଜାଇ ପୂଜାର୍ଚ୍ଚନା କରୁଥିଲେ। ଖବରପାଇ କପ୍ତିପଦା ପୋଲିସ ଘଟଣାସ୍ଥଳରେ ପହଞ୍ଚିବାରୁ ସେଠାରେ ଉପସ୍ଥିତ ଲୋକେ ଦୌଡ଼ି ପଳାଇଥିଲେ ା ମାତ୍ର ପୂଜା କରୁଥିବା ଦେହୁରୀ(ପୂଜାରୀ) ପୂର୍ଣ୍ଣଚନ୍ଦ୍ର ମଲ୍ଲିକ୍ଙ୍କୁ ପୋଲିସ କାବୁ କରି ନେଇଥିଲା। ଏନେଇ ଥାନାରେ ଏକ ମାମଲା (ନଂ.୮୨/୨୦୨୦) ରୁଜୁ ହୋଇଛି। ଶନିବାର ଦେହୁରୀ ମଲ୍ଳିକ୍ଙ୍କୁ କୋର୍ଟଚାଲାଣ କରାଯିବ ବୋଲି ପୋଲିସ କହିଛି। ଘଟଣାସ୍ଥଳରୁ ପୂଜା ସାମଗ୍ରୀ ଓ ବଳି ପାଇଁ ଉଦ୍ଦିଷ୍ଟ ତେଲେଙ୍ଗା କଟୁରୀକୁ ଜବତ କରାଯାଇଛି ା