ବ୍ରହ୍ମପୁର ଅଫିସ,୧୮ା୬-ବ୍ରହ୍ମପୁର ବଡ଼ବଜାର ପୋଲିସ ଜଣେ ଠିକାଦାରଙ୍କ ଘର ଉପରକୁ ବୋମା ମାଡ଼ କରିବା ଅଭିଯୋଗରେ ଦୁର୍ଦ୍ଦାନ୍ତ ରାଜି ଗୌଡ଼ଙ୍କ ସମେତ ୩ ଜଣଙ୍କୁ ରବିବାର ରାତିରେ ଗିରଫ କରିଛି । ସେମାନେ ହେଲେ ରାଜି ଓରଫ ରାଜେନ୍ଦ୍ର ଗୌଡ଼ (୩୭), ଶକ୍ତି ଦେ ଓରଫ ଦବଲ ଗୌଡ଼ (୨୮) ଓ ଜିତୁ ଓରଫ ଜିତେନ୍ଦ୍ର ଗୌଡ଼ (୧୯)। ପୋଲିସ ରାଜିଙ୍କ ନିକଟରୁ ୨ଟି ବୋମା ଜବତ କରିଛି। ମାମଲା ନଂ. ୧୦୦/୧୯ରେ ଅଭିଯୁକ୍ତମାନଙ୍କୁ ସୋମବାର କୋର୍ଟଚାଲାଣ କରାଯାଇଛି ବୋଲି ଥାନାଧିକାରୀ ପ୍ରଶାନ୍ତ ଭୂପତି କହିଛନ୍ତି । ରାଜିଙ୍କ ନଁାରେ ହତ୍ୟା,ଡକାୟତି ଭଳି ୮ରୁ ଊର୍ଦ୍ଧ୍ୱ ସଙ୍ଗିନ ମାମଲା ରହିଥିବା ପ୍ରଶାନ୍ତ ଭୂପତି କହିଛନ୍ତି।
ଯେ, ପୁରୁଣା ବ୍ରହ୍ମପୁର ଆଇନାବନ୍ଧ ସାହିରେ ଠିକାଦାର କୈଳାସ ଚନ୍ଦ୍ର ଗୌଡ଼ ପରିବାର ସହ ରହୁଛନ୍ତି । ରାଜି ତାଙ୍କୁ ଦାଦାବଟି ମାଗି ଆସୁଥିଲେ। ସେ ଦେବାକୁ ମନାକରି ଦେଇଥିଲେ।
ଗତ ୧୩ ତାରିଖ ବିଳମ୍ବିତ ରାତିରେ କୈଳାସଙ୍କ ଘର ଉପରେ ବୋମାମାଡ଼ ହୋଇଥିଲା । ଘର ଭିତରେ ଶୋଇଥିବା କୈଳାସ ଓ ତାଙ୍କ ପରିବାର ବୋମା ଶବ୍ଦ ଶୁଣି ଭୟଭୀତ ହୋଇ ପଡିଥିଲେ। ପରେ ରାଜି ଠିକାଦାରଙ୍କ ଘରେ ପଶି ତାଙ୍କ ବୃଦ୍ଧା ମା’ଙ୍କୁ ମଧ୍ୟ ଆକ୍ରମଣ କରିଥିଲେ। ଏନେଇ ଠିକାଦାର ଗତ ୧୪ ତାରିଖରେ ଥାନାରେ ଅଭିଯୋଗ କରିଥିଲେ। ପୋଲିସ ଘଟଣାର ତଦନ୍ତ କରି ରାଜି ଓ ତାଙ୍କ ଅନ୍ୟ ୨ ସହଯୋଗୀଙ୍କୁ ଗିରଫ କରିଥିଲା।