କଟକରୋଡ,୧୬।୧୨(ଡି.ଏନ.ଏ.): ବଡ଼ଗଡ଼ ଥାନା ଅଞ୍ଚଳରେ ରହୁଥିବା ଜଣେ ଠିକାଦାରଙ୍କ ଘର ଉପରକୁ ରବିବାର ରାତିରେ କେହି ଦୁର୍ବୃତ୍ତ ବୋମାମାଡ଼ କରିଛନ୍ତି। ଉକ୍ତ ଠିକାଦାର ହେଲେ ଏହି ଥାନା ଅଧୀନ ରତ୍ନାକର ବାଗରେ ରହୁଥିବା ସଚିଦାନନ୍ଦ ପାତ୍ର। ସୂଚନା ଅନୁଯାୟୀ, ରାତି ପ୍ରାୟ ସାଢ଼େ ୯ଟାରେ ଦୁଇ ଦୁର୍ବୃତ୍ତ ଏକ ବାଇକରେ ଆସି ସଚିଦାନନ୍ଦଙ୍କ ଘର ଉପରକୁ ବୋମାମାଡ଼ କରିଥିବା ନେଇ ପଡ଼ୋଶୀ ଲୋକ କହିଛନ୍ତି। ଖବରପାଇ ଜୋନ-୪ ଏସିପି ଅମରେନ୍ଦ୍ର ପଣ୍ଡା, ଥାନାଧିକାରୀ ଦିଲୀପ କୁମାର ସ୍ବାଇଁ ଘଟଣାସ୍ଥଳରେ ପହଞ୍ଚତ୍ ବୋମାମାଡ଼ ହୋଇଥିବା ଘଟଣାର ତଦନ୍ତ କରିବାସହ କେତେକ ଟୁକୁଡ଼ା ସଂଗ୍ରହ କରିଛନ୍ତି। ଅନ୍ୟପକ୍ଷରେ ପୂର୍ବ ଠିକାଦାର କାମକୁ ନେଇ ଏଭଳି ଘଟଣା ଉପୁଜିଥାଇପାରେ ବୋଲି ସଚିଦାନନ୍ଦଙ୍କ ପୁଅ ଚନ୍ଦନ କହିଛନ୍ତି। ପୋଲିସ ଘଟଣାସ୍ଥଳରୁ ଅନୁସନ୍ଧାନ ଜାରି ରଖିବା ସହ ଠିକାଦାରଙ୍କ ଘରେ ପୋଲିସ କର୍ମଚାରୀ ମୁତୟନ ରଖିଛନ୍ତି।