ରାଉରକେଲା ଅଫିସ, ୨୩।୧୯: ସୁନ୍ଦରଗଡ଼ ଜିଲା ରାଉରକେଲା ମହାନଗର ନିଗମ ଅଫିସ ସମ୍ମୁଖରୁ ଜଣେ ଠିକା କମ୍ପାନୀ କର୍ମଚାରୀ ସୋମବାର ସାଢ଼େ ୬ ଲକ୍ଷ ଟଙ୍କା ଲୁଟ୍ର ଶିକାର ହୋଇଛନ୍ତି। କର୍ମଚାରୀଜଣଙ୍କ ବ୍ୟାଙ୍କରୁ ଟଙ୍କା ଉଠାଇ ନିଜର ଜଣେ ବନ୍ଧୁଙ୍କ ସହ ବାଇକ୍ରେ ଯାଉଥିଲେ। ଏହି ସମୟରେ ୨ ଦୁର୍ବୃତ୍ତ ଏକ ବାଇକ୍ରେ ଆସି ତାଙ୍କ ଟଙ୍କା ବ୍ୟାଗ୍ ଛଡ଼ାଇ ନେଇଗଲେ।
ଖବର ପାଇ ଉଦିତ୍ନଗର ଥାନା ପୋଲିସ୍ ବ୍ୟାଙ୍କରେ ପହଞ୍ଚି ପଚରାଉଚରା ଚଳାଇଛି। ବ୍ୟାଙ୍କରେ ଲାଗିଥିବା ସିସିଟିଭି କ୍ୟାମେରାକୁ ଯାଞ୍ଚ କରୁଛି। ଦୁର୍ବୃତ୍ତଙ୍କ କୌଣସି ସୁରାଗ ମିଳି ନ ଥିବାବେଳେ କେତେଜଣ ସନ୍ଦିଗ୍ଧଙ୍କୁ ଥନାକୁ ଆଣି ପୋଲିସ ପଚରାଉଚରା ଚଳାଇଛି।
