Advertisement

ଡକାୟତଙ୍କୁ ସାମ୍ନାକରି ଜିତିଲେ ବୃଦ୍ଧ ଦମ୍ପତି ସିସିଟିଭିରେ ରେକର୍ଡ ହେଲା ଦୃଶ୍ୟ

ତିରୁନେଲଭେଲି,୧୩।୮: ତାମିଲନାଡୁର ତିରୁନେଲଭେଲିରେ ବୃଦ୍ଧ ଦମ୍ପତିଙ୍କୁ ଆକ୍ରମଣ କରିବା ମହଙ୍ଗା ପଡିଛି। ନିଜ ଘର ବାହାରେ ବସିଥିବା ଜଣେ ବୃଦ୍ଧଙ୍କୁ ପଛପଟୁ ଦୁଇ ଡକାୟତ ଚୋରି କରିବା ଉଦ୍ଦେଶ୍ୟରେ ଆସି ଆକ୍ରମଣ କରିଥିଲେ। ହେଲେ ଏହି ସମୟରେ ଘର ଭିତରେ ଥିବା ତାଙ୍କ ସ୍ତ୍ରୀ ବାହାରି ଆସି ଏସବୁ ଦେଖିବା ପରେ ପାଖରେ ଥିବା ଚୌକିରେ ଡକାୟତଙ୍କୁ ଆକ୍ରମଣ କରିଥିଲେ। ଏହାପରେ ବୃଦ୍ଧ ଜଣଙ୍କ ମଧ୍ୟ ତଳେ ପଡିଯିବାରୁ ଡକାୟତ ଦୁଇଜଣ ସେମାନଙ୍କୁ ଆକ୍ରମଣ କରିବାରେ ବାଧାସୃଷ୍ଟି ହୋଇଥିଲା। ଏହାର ସୁଯୋଗ ନେଇ ଦମ୍ପତି ମିଳିମିଶି ଡକାୟତଙ୍କୁ ଆକ୍ରମଣ କରିବା ପରେ ସେମାନେ ସେ ସ୍ଥାନ ଛାଡି ପଳାଇ ଯାଇଥିଲେ। ଘଟଣାର ସମସ୍ତ ଦୃଶ୍ୟ ଘରେ ଲାଗିଥିବା ସିସିଟିଭି କ୍ୟାମେରାରେ ରେକର୍ଡ ହେବା ପରେ ସବୁଜଣାପଡିଥିଲା। ତେବେ ଘଟଣାଟି ୧୧ ଅଗଷ୍ଟର ବୋଲି ଜଣାପଡିଛି।

Subscribe to Dharitri WhatsApp ChannelSubscribe to Dharitri WhatsApp Channel

Share