ମାଲକାନଗିରି,୨୨ା୭ (ସ୍ବ.ପ୍ର.): ମାଓବାଦୀମାନେ ଯବାନମାନଙ୍କୁ ଚକମା ଦେବା ପାଇଁ ବିଭିନ୍ନ ସମୟରେ ଭିନ୍ନଭିନ୍ନ ପନ୍ଥା ଅବଲମ୍ବନ କରିଥାନ୍ତି। ଗତ କିଛିଦିନ ତଳେ ଛତିଶଗଡ଼ର ସୁକୁମା ଜିଲାରେ ସେମାନେ ଡମି ମାଓବାଦୀ ପୁତୁଳା କରି ହାତରେ ନକଲି ବନ୍ଧୁକ ଧରାଇ ଗଛ କୋଣରେ ଛିଡା କରାଇଥିଲେ। ସୋମବାର ପୁନର୍ବାର ମାଓବାଦୀମାନେ ଉକ୍ତ ଉପାୟ କରିଥିବା ଦେଖିବାକୁ ମିଳିଛି । ଦାନ୍ତଓ୍ବୋଡା ଜିଲା ଅର୍ଣ୍ଣପୁର ଓ ଜାଗରଗୁଡ଼ା ରାସ୍ତାର ଦୁଡ଼ବାନାଲେ କ୍ୟାମ୍ପଠାରୁ ୬ଶହ ମିଟର ଦୂରରେ ମାଓବାଦୀମାନେ ୨ଟି ଡମି ମାଓବାଦୀ ପୁତଳା କରି ଗଛ ପଛପଟେ ଛିଡା କରାଇ ତଳେ ୨/୩ କେଜି ଓଜନର ବୋମା ଖଞ୍ଜି ରଖିଥିଲେ। ଏହା ଜାଣିବା ପରେ ୨୩ ୧ ବାଟାଲିୟନର ସିଆରପିଏଫ ଯବାନମାନେ ସେଠାରେ ପହଞ୍ଚତ୍ ପ୍ରଥମେ ରାସ୍ତାର ଉଭୟ ପାର୍ଶ୍ୱରେ ଗାଡି ମୋଟର ଚଳାଚଳ ବନ୍ଦ କରି ଡମି ପୁତୁଳା ତଳୁ ବୋମା ୨ଟିକୁ ଉଦ୍ଧାର କରି ନିଷ୍କ୍ରିୟ କରି ଦେଇଥିଲେ।