ଶିବାନୀ ସଙ୍ଗୀତା। ଓଡ଼ିଆ ସିନେ ଜଗତର ଜଣେ କ୍ୟୁଟ୍ ଓ ବବ୍ଲି ଅଭିନେତ୍ରୀ। ଶିଶୁ କଳାକାର ଭାବେ ସେ ‘ମିତରେ ମିତ’ ଚଳଚ୍ଚିତ୍ର ଜରିଆରେ ଓଡ଼ିଆ ଇଣ୍ଡଷ୍ଟ୍ରିକୁ ପ୍ରବେଶ କରିଥିଲେ। ‘ସିଷ୍ଟର ଶ୍ରୀଦେବୀ’ ଫିଲ୍ମରେ ସେ ବାବୁସାନଙ୍କ ଅପୋଜିଟ୍ରେ ଅଭିନେତ୍ରୀ ଭାବେ ଦେଖାଯାଇଥିଲେ। ପରେ ପରେ ସେ ଅନେକ ହିଟ୍ ଫିଲ୍ମରେ ଅଭିନୟ କରି ଦର୍ଶକଙ୍କ ପ୍ରିୟ ଅଭିନେତ୍ରୀ ହୋଇପାରିଛନ୍ତି। ତେବେ ଖାଇବାରେ ରୁଚି ରଖିଥିବା ଶିବାନୀ ନିଜକୁ ଫିଟ୍ ରଖିବା ପାଇଁ ବହୁତ କଷ୍ଟ କରିଛନ୍ତି। ଫିଲ୍ମରେ ଅଭିନୟ ପାଇଁ ତାଙ୍କୁ ଫିଟ୍ନେସ୍ ପ୍ରତି ଗୁରୁତ୍ୱ ଦେବାକୁ ପଡ଼ିଥିଲା। ଶିଶୁ କଳାକାର ସମୟରେ ସେ ଦେଖିବାକୁ ଚବି ଚବି ଥିଲେ। ତେଣୁ ଡାଏଟିଂ କରିବା ତାଙ୍କୁ କଷ୍ଟ ଥିଲା। ଜିମ୍ ଯାଇ ମଧ୍ୟ ଓଜନ କମାଇବା ସମ୍ଭବ ହୋଇପାରୁ ନ ଥିଲା। ତେବେ ଧୀରେ ଧୀରେ ସେ ତାଙ୍କ ଓଜନ କମାଇଲେ। ଏବେ ଖାଲି ନିଜକୁ ମେଣ୍ଟେନ୍ କରୁଛନ୍ତି। ଶିବାନୀ ସକାଳୁ ଓଟ୍ସ କିମ୍ବା କର୍ନଫ୍ଲେକ୍ସ ଖାଇଥାନ୍ତି। ରାତିରେ ଶୀଘ୍ର ଖାଆନ୍ତି। ଜଙ୍କ୍ ଫୁଡ୍, ତେଲଯୁକ୍ତ ଓ ମସଲାଯୁକ୍ତ ଖାଦ୍ୟ ବହୁତ କମ ଖାଇଥାନ୍ତି। ଯେବେ ଖାଇଥାନ୍ତି ସେଦିନ ଓ୍ବାର୍କଆଉଟ୍ ଅଧିକ କରନ୍ତି। ଜିମ୍ରେ ସେ କାର୍ଡିଓ, ଲାଇଟ୍ ଓ୍ବେଟ୍ ଭଳି ଏକ୍ସରସାଇଜ୍ କରୁଥିବା ଶିବାନୀ ଦିନକୁ ୫ଲିଟର ପାଣି ପିଇଥାନ୍ତି। ଫିଟ୍ନେସ୍କୁ ନେଇ ଶିବାନୀ କୁହନ୍ତି ଯେ, ଜଣେ କଳାକାର ବୋଲି ନୁହେଁ ସବୁ ଲୋକ ଫିଟ୍ନେସ୍ ପ୍ରତି ଧ୍ୟାନ ଦେବା ଉଚିତ। ମୋ ମା’ ବାପା ମଧ୍ୟ ଏ ଦିଗରେ ବହୁତ ଗୁରୁତ୍ୱ ଦେଇଥାନ୍ତି।