ନୂଆଦିଲ୍ଲୀ,୮ା୮(ପି.ଟି.): ବିଏସ୍ପି ଡାନିଶ୍ ଅଲିଙ୍କୁ ଲୋକ ସଭାରେ ଦଳର ନେତା ନିଯୁକ୍ତ କରିବାର ଦିନ କେଇଟା ନ ଯାଉଣୁ ତାଙ୍କୁ ଉକ୍ତ ପଦରୁ ବିଦା କରିଦେଇଛି। ତାଙ୍କ ସ୍ଥାନରେ ଜଉନପୁର ଏମ୍ପି ଶ୍ୟାମ ସିଂ ଯାଦବଙ୍କୁ ଲୋକ ସଭାରେ ଦଳର ନେତା ନିଯୁକ୍ତ କରାଯିବ । ଯାଦବ ଜେଡିଏସ୍ରୁ ବହିଷ୍କୃତ ହେବା ପରେ ବିଏସ୍ପିରେ ସାମିଲ ହୋଇଥିଲେ। ସେହିପରି ଆମ୍ବେଦକର ନଗରୀ ଏମ୍ପି ରିତେଶ ପାଣ୍ଡେଙ୍କୁ ଲୋକ ସଭାର ଉପନେତା ନିଯୁକ୍ତ କରାଯାଇଛି। ଉତ୍ତରପ୍ରଦେଶର ୧୨ଟି ବିଧାନସଭା ଆସନରେ ଉପନିର୍ବାଚନ ପୂର୍ବରୁ ବିଏସ୍ପି ସାଂଗଠନିକ ସ୍ତରରେ ଅଦଳବଦଳ କରିଛି। ଲୋକ ସଭା ନିର୍ବାଚନରେ ବିଏସ୍ପି-ଏସ୍ପି ମେଣ୍ଟ କରିଥିବାବେଳେ ଉପନିର୍ବାଚନରେ ଉଭୟ ଦଳ ପରସ୍ପର ବିରୋଧରେ ଲଢ଼ିବେ।
