ନୀଳଗିର/ସଜନାଗଡ, ୨।୮(ଡି.ଏନ.ଏ.)-ନୀଳଗିରି ସହର ଉପକଣ୍ଠ ରବୀନ୍ଦ୍ର ପରିଡ଼ାଙ୍କ ଘର ସମ୍ମୁଖରୁ ଶୁକ୍ରବାର ଅଜଣା ଦୁର୍ବୃତ୍ତ ସ୍କୁଟି ଡିକି ଭାଙ୍ଗି ଲକ୍ଷେ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି। ପୋଲିସ ବ୍ୟାଙ୍କ ଓ ରବୀନ୍ଦ୍ରଙ୍କ ଘରେ ଲାଗିଥିବା ସିସିଟିଭି ଫୁଟେଜକୁ ନେଇ ତଦନ୍ତ ଜାରି ରଖିଥିବା ଥାନା ଅଧିକାରୀ ନଳିତା ମୋଦି କହିଛନ୍ତି।
ପୂର୍ବାହ୍ନରେ ପ୍ରଫୁଲ୍ଲ ପରିଡ଼ା ଝିଅ ଓ ପୁଅର କଲେଜରେ ଆଡ଼ମିଶନ, ଉଧାର ଟଙ୍କା ସହିତ ଘରୋଇ ଖର୍ଚ୍ଚ କରିବା ପାଇଁ ଝିଅ ପ୍ରିୟଦର୍ଶିନୀଙ୍କୁ ଲକ୍ଷେ ଟଙ୍କାର ଚେକ୍ ଦେଇ ସ୍ଥାନୀୟ ଷ୍ଟେଟ୍ ବ୍ୟାଙ୍କ ଶାଖାକୁ ପଠାଇଥିଲେ। ମଧ୍ୟାହ୍ନରେ ଝିଅ ବ୍ୟାଙ୍କରୁ ଟଙ୍କା ଉଠାଇ ସ୍କୁଟି ଡିକି ଭିତରେ ରଖି ସିଣ୍ଡିକେଟ ବ୍ୟାଙ୍କ ନିକଟ ବଡ଼ବାପା ରବୀନ୍ଦ୍ରଙ୍କ ଘରକୁ ଯାଇଥିଲେ। ଘର ସମ୍ମୁଖରେ ଗାଡ଼ି ରଖି ପ୍ରିୟଦର୍ଶିନୀ ପାଣି ପିଇବାକୁ ଭିତରକୁ ଯାଇଥିଲେ। ଏହାର ସୁଯୋଗ ନେଇ ତାଙ୍କୁ ପିଛା କରିଥିବା ଅଜଣା ଦୁର୍ବୃତ୍ତ ଡିକି ଭାଙ୍ଗି ଟଙ୍କା ନେଇ ଫେରାର ହୋଇଯାଇଥିଲେ। ଖବରପାଇ ନୀଳଗିରି ଆଇଆଇସି ନଳିତା ମୋଦୀ ଘଟଣାସ୍ଥଳରେ ପହଞ୍ଚତ୍ ଶେରଗଡ଼, ସନ୍ତରାଗଡ଼ିଆ ଓ ଉଦଳା ରାସ୍ତାକୁ ସିଲ୍ କରିବା ତଦନ୍ତ ଜାରି ରଖିଛନ୍ତି।