ଆନନ୍ଦପୁର,୧୧।୬(ସ୍ବ.ପ୍ର.) କେନ୍ଦୁଝର ଜିଲା ଆନନ୍ଦପୁର ଥାନା ୪ନଂ ଓ୍ବାର୍ଡ ଲକ୍ଷ୍ମୀବଜାରସ୍ଥିତ ଏକ ଜଳଖିଆ ଦୋକାନ ଆଗରେ ଥିବା ଏକ ବାଇକ୍ର ଡିକି ଭାଙ୍ଗି ଦୁର୍ବୃତ୍ତମାନେ ୨ ଲକ୍ଷ ଟଙ୍କା ଲୁଟିନେଇଥିବା ଥାନାରେ ଅଭିଯୋଗ ହୋଇଛି। ସୂଚନାଯୋଗ୍ୟ, ନନ୍ଦିପଦା ଥାନା ବେତିରା ଗ୍ରାମର ସିଆର୍ପିଏଫ୍ ହାବିଲଦାର ପ୍ରଫୁଲ୍ଲ ଦାଶ ଘର କାମ ପାଇଁ ଆନନ୍ଦପୁର ଷ୍ଟେଟବ୍ୟାଙ୍କ ଶାଖାରୁ ୨ ଲକ୍ଷ ଟଙ୍କା ଉଠାଇ କରି ଗାଡ଼ି ଡିକିରେ ରଖିଥିଲେ। ପରେ ପ୍ରଫୁଲଙ୍କ ଲକ୍ଷ୍ମୀବଜାରର ଏକ ଜଳଖିଆ ଦୋକାନ ଆଗରେ ଗାଡ଼ିକୁ ରଖି ଜଳଖିଆ ଖାଇଥିଲେ। ପରେ ଗାଡିର ଡିକି ଭାଙ୍ଗିଥିବା ଓ ସେଥିରେ ଟଙ୍କା ନ ଥିବା ଦେଖିବାକୁ ପାଇଥିଲେ। ଏ ନେଇ ଆନନ୍ଦପୁର ଥାନାରେ ଅଭିଯୋଗ ପରେ ପୋଲିସ ଘଟଣାର ତଦନ୍ତ ଆରମ୍ଭ କରିଛି।