ଡିଜେଲ ଚୋରି ଘଟଣା: ପୁଣି ୨ ଗିରଫ

ବଡ଼ବିଲ,୩୦।୮(ସ୍ବ.ପ୍ର.): କେନ୍ଦୁଝର ଜିଲା ବଲାଣୀ ଥାନା ପୋଲିସ ଗୁରୁବାର ଡିଜେଲ ଚୋରି ଅଭିଯୋଗରେ ଜଣେ ଅଭିଯୁକ୍ତଙ୍କୁ ଗିରଫ କରିଥିଲା। ଏହି ଘଟଣାରେ ସଂପୃକ୍ତ ଅନ୍ୟ ୨ ଜଣଙ୍କୁ ପୋଲିସ ଗିରଫ କରି ଶୁୁକ୍ରବାର କୋର୍ଟଚାଲାଣ କରିଛି।
ସେମାନେ ହେଲେ ବଲାଣୀ ରେଲୱେ ହଟିଂ ଅଞ୍ଚଳର ସୁରେଶ ପିଙ୍ଗୁଆ ଓରଫ ଲାଦୁରୁ ଓ ଅନୀଲ ଦାସ। ସେମାନଙ୍କ ଠାରୁ ପୋଲିସ ୩ଟି ଜାର୍କୀନ ସହ ଏକ ପାଇପ ଜବତ କରିଛି। ଡିଜେଲ ଚୋରି ଘଟଣାର ତଦନ୍ତ ଚାଲିଛି। ଏଥିରେ ଆହୁରି ଅନେକ ଅଭିଯୁକ୍ତ ସମ୍ପୃକ୍ତ ଥିବା ଥାନାଧିକାରୀ ଶ୍ରୀକାନ୍ତ ସାହୁ ସୂଚନା ଦେଇଛନ୍ତି।