ବାଲେଶ୍ୱର ଅଫିସ, ୨୨।୮-ବାଲେଶ୍ୱର ରେଳଷ୍ଟେଶନର ୨ ନମ୍ବର ପ୍ଲାଟଫର୍ମରେ ଯଶୋବନ୍ତପୁର-କାମାକ୍ଷା ଏକ୍ସପ୍ରେସ୍ ଟ୍ରେନ୍ (ନଂ. ୧୨୫୫୨) ରୁ ଡିଜେଲ ସରିଯିବାରୁ ସମସ୍ତ ଏସି କାମ କରି ନ ଥିଲା। ଫଳରେ ଟ୍ରେନ ଷ୍ଟେଶନରେ ୨ଘଣ୍ଟା ଅଟକ ରହିଥିଲା। ଏସି ସଜଡ଼ାଯିବା ସହ ଡିଜେଲ ଭର୍ତ୍ତି କରାଯାଇଥିଲା। ଏସି ବନ୍ଦ ହେବା କାରଣରୁ ଟ୍ରେନ୍ରେ ଥିବା ବହୁ ଯାତ୍ରୀ ନାହଁି ନ ଥିବା ହଇରାଣରେ ସମ୍ମୁଖୀନ ହୋଇଥିଲେ।
ଟ୍ରେନ୍ ଯଶୋବନ୍ତପୁରରୁ ବାହାରି କାମାକ୍ଷାନଗର ଯାଉଥିବା ବେଳେ ଅପରାହ୍ନ ୨ଟା ୨୨ ମିନିଟ୍ ସମୟରେ ବାଲେଶ୍ୱର ରେଳ ଷ୍ଟେଶନରେ ପହଞ୍ଚିଥିଲା। ଅପରାହ୍ନ ୪ଟା ୪୦ ମିନିଟରେ ଏସି ସଜଡାଯିବା ସହ ଡିଜେଲ ଭର୍ତ୍ତି ହେବା ପରେ ଟ୍ରେନ ଗନ୍ତବ୍ୟ ପଥକୁ ଯାଇଥିବା ବାଲେଶ୍ୱର ଷ୍ଟେଶନ ମ୍ୟାନେଜର ଭାଗବତ ସାହୁ କହିଛନ୍ତି।