ବମ୍ବେ: ଲୁଚିଛି ନା ଗୋଡ଼ ଦୁଇଟା ଦିଶୁଛି। ଏପରି କିଛି ଲୋକକଥା ବଲିଉଡ୍ ଅଭିନେତା ବିକ୍କି କୌଶଲ- ଅଭିନେତ୍ରୀ କଟ୍ରିନା କୈଫଙ୍କ ସମ୍ପର୍କ ପାଇଁ ପ୍ରଯୁଜ୍ୟ ବୋଲି କୁହାଯାଉଛି। ଏହା ପଛରେ କାରଣ ବି ରହିଛି। ସେଇଟି ହେଲା ଉଭୟଙ୍କ ଡେଟିଂର ଖବର। କ୍ୟାମେରା ସମ୍ମୁଖରେ ଏହାକୁ ନେଇ ମୁହଁ ଖୋଲୁ ନ ଥିବା ବିକ୍କି-କଟ୍ରିନା ଆଜିକାଲି ପ୍ରତିଟି କାର୍ଯ୍ୟକ୍ରମରେ ଏକାଠି ପହଞ୍ଚୁଛନ୍ତି। କୌଣସି ଉତ୍ସବ ହେଉ ଅଥବା ଡିନର୍ ପାର୍ଟି ଉଭୟଙ୍କୁ ଏକାସହ ଦେଖିବାକୁ ମିଳୁଛି। ନିକଟରେ ପ୍ରଯୋଜିକା ଆରତୀ ସେଟ୍ଟୀ ନିଜ ଘରେ ଏକ ଡିନର୍ ପାର୍ଟି ରଖିଥିଲେ। ଏଥିରେ ଯୋଗ ଦେବାକୁ ପହଞ୍ଚିଥିଲେ ବିକ୍କି ଆଉ କଟ୍ରିନା। ଏହି ସମୟରେ ଉଭୟଙ୍କୁ ଦେଖି ସେମାନଙ୍କ ମଧ୍ୟରେ କିଛି ଗୋଟେ ଚାଲିଥିବା ଚର୍ଚ୍ଚା ଜୋର ଧରିଛି।
ନିକଟରେ ଇଶା ଅମ୍ବାନୀଙ୍କ ହୋଲି ପାର୍ଟିରେ ଉଭୟ ନଜର ଆସିଥିଲେ। ଏପରି ଏକାଧିକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ବିକ୍କି କଟ୍ରିନାଙ୍କୁ ରଙ୍ଗ ଲଗାଉଥିବା ଦେଖିବାକୁ ମିଳିଥିଲା। ଏପରିକି ଉଭୟ ଅଧିକାଂଶ ସମୟ ଏକାଠି ବିତାଉଥିବା କୁହାଯାଇଥିଲା। କଥାକୁ କିନ୍ତୁ ଉଭୟ ଖଣ୍ଡନ କରିଆସୁଛନ୍ତି। ରଣବୀରଙ୍କ ପରେ କଟ୍ରିନାଙ୍କ ପାଇଁ ବିକ୍କି ପସନ୍ଦଯୋଗ୍ୟ ବୋଲି ପ୍ରଶଂସକ କହୁଛନ୍ତି।
