ତୁମୁଡ଼ିବନ୍ଧ,୨୬ା୬(ଡି.ଏନ୍.ଏ)-ତୁମୁଡ଼ିବନ୍ଧ ବ୍ଲକ ବେଲଘର ବଜାରସାହିରେ ସୋମବାର ରାତିରେ ଡିବିରିରୁ ନିଅଁା ବ୍ୟାପି ୨ ବଖରା ଜଳି ଯାଇଥିବାବେଳେ ବାପ ପୁଅ ଗୁରୁତର ହୋଇଛନ୍ତି। ସେମାନେ ହେଲେ ରଘୁନାଥ ବେହେରା ଓ ପୁଅ ପ୍ରଦୀପ। ବିଜୁଳି ନ ଥିବାରୁ ରାତିରେ ଡିବିରି ଜାଳି ସିମେଣ୍ଟ ବସ୍ତା ଉପରେ ରଖି ରଘୁନାଥ ଓ ପ୍ରଦୀପ ଶୋଇଥିଲେ। ବିଲେଇ ବସ୍ତା ଉପରେ ଚଢିଯିବାରୁ ଡିବିରି ତଳେ ପଡି ଚାରିଆଡକୁ ନିଆଁ ବ୍ୟାପି ଯାଇଥିଲା। ସେଠାରେ ଥିବା ତାଙ୍କ ବାଇକ ସମେତ, ରାଶନସାମଗ୍ରୀ ଥିବା ପ୍ଲାଷ୍ଟିକ୍ ବସ୍ତା, ଟଙ୍କା ଜଳିଯାଇଥିଲା। ନିଆଁକୁ ଆୟତ୍ତ କରିବା ସମ୍ଭବ ହୋଇ ନ ଥିଲା। ପୁଅ ପ୍ରଦୀପ ତାଙ୍କ ସାର୍ଟିଫିକେଟ୍ ଆଣିବାକୁ ଯାଇଥିବାବେଳେ ପୋଡି ହୋଇଯାଇଥିଲେ। ବାପା ମଧ୍ୟ ଘରୁ ବାହାରିବା ବେଳେ ପୋଡି ହୋଇଯାଇଥିଲେ। ପରେ ନିଅଁା ପଡୋଶୀ ସନ୍ତୋଷ ପଣ୍ଡାଙ୍କ ଘରକୁ ବ୍ୟାପିଥିଲା। ତୁମୁଡ଼ିବନ୍ଧ ଅଗ୍ନିଶମ ବାହିନୀ ପହଞ୍ଚତ୍ ନିଅଁାକୁ ଆୟତ୍ତ କରିଥିଲା। ଗୁରୁତର ରଘୁନାଥ ଓ ପୁଅ ପ୍ରଦୀପଙ୍କୁ ପ୍ରଥମେ ତୁମୁଡ଼ିବନ୍ଧ ମେଡିକାଲରେ ଚିକିତ୍ସା କରାଯାଇ ବାଲିଗୁଡ଼ା ସ୍ଥାନାନ୍ତର କରାଯାଇଥିବା ବେଳେ ଅଧିକ ଗୁରୁତର ହେବାରୁ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି।