ନୂଆଦିଲ୍ଲୀ, ୧୫ା୧୧ (ପି.ଟି.)-ସିଜନ ୨୦୧୯-୨୦ ଆରମ୍ଭରୁ ଆଇ-ଲିଗ୍ ମ୍ୟାଚଗୁଡ଼ିକ ଡିସ୍ପୋର୍ଟରେ ସିଧା ପ୍ରସାରଣ ହେବ। ଏନେଇ ସର୍ବଭାରତୀୟ ଫୁଟ୍ବଲ ମହାସଂଘ (ଏଆଇଏଫ୍ଏଫ୍) ଲେକ୍ସ ସ୍ପୋର୍ଟେଲ ଭିଜନ ପ୍ରାଇଭେଟ୍ ଲିମିଟେଡ୍ ସହିତ ୩ବର୍ର୍ଷିଆ ଚୁକ୍ତି କରିଛି। ଆଇ-ଲିଗ୍ର ୧୩ତମ ସଂସ୍କରଣ ନଭେମ୍ବର ୩୦ରୁ ୧୧ଟି ଦଳକୁ ନେଇ ଅନୁଷ୍ଠିତ ହେବ। ଏଥିରେ ୧୧୦ଟି ମ୍ୟାଚ ଖେଳାଯିବ। ଏଆଇଏଫ୍ଏଫ୍ ପୃଥକ୍ ଭାବେ ଆୟର୍ଲାଣ୍ଡର ଇନ୍ଷ୍ଟାଟ୍ ଲିମିଟେଡ୍ ନାମକ ଏକ କମ୍ପାନୀ ସହିତ ମଧ୍ୟ ଏକ ଚୁକ୍ତି କରିଛି। ଏହି କମ୍ପାନୀ ଡିସ୍ପୋର୍ଟ ପାଇଁ ଲାଇଭ୍ ଅଡିଓ-ଭିଜୁଆଲ କଭରେଜ ବ୍ୟବସ୍ଥା କରିବ। ଇନ୍ଷ୍ଟାଟ୍ ସମସ୍ତ ୧୧୦ ଆଇ-ଲିଗ୍ ମ୍ୟାଚରେ ୮ଟି କ୍ୟାମେରା ବ୍ୟବହାର କରିବ। ଇନଷ୍ଟାଟ୍ ଲିମିଟେଡ୍ ସହ ଏଆଇଏଫ୍ଏଫ୍ ୩ ବର୍ଷିଆ ଚୁକ୍ତି କରିଛି। ଷ୍ଟାର ସ୍ପୋଟର୍ସ ଗତ ଦୁଇ ବର୍ଷ ହେଲା ଆଇ-ଲିଗ୍ ମ୍ୟାଚଗୁଡ଼ିକର ସିଧା ପ୍ରସାରଣ କରି ଆସୁଥିଲା। ଆଇ-ଲିଗ୍ କ୍ଲବ ଗୁଡ଼ିକର ଅନୁରୋଧକ୍ରମେ ଏଆଇଏଫ୍ଏଫ୍ ଏବଂ ଏଫ୍ଏସ୍ଡିଏଲ (ଫୁଟ୍ବଲ ସ୍ପୋଟର୍ସ ଡେଭଲପମେଣ୍ଟ ଲିମିଟେଡ୍) ନୂଆ ବ୍ରଡକାଷ୍ଟିଂ ପାର୍ଟନର ସହିତ ଚୁକ୍ତି କରିଛନ୍ତି। ଏଆଇଏଫ୍ଏଫ୍ର ସାଧାରଣ ସମ୍ପାଦକ କୁଶାଲ ଦାସ ଗୁରୁବାର ଏହି ସୂଚନା ଦେଇଛନ୍ତି। ସୂଚନାଯୋଗ୍ୟ, ଡିସ୍ପୋଟର୍ସ ହେଉଛି ଏକ ଭାରତ କେନ୍ଦ୍ରିତ ଖେଳ ଚ୍ୟାନେଲ। ଡିସ୍କଭରି ଏସିଆ-ପ୍ୟାସିଭିକ୍ ତରଫରୁ ୧୦୧୭ ଫେବୃୟାରୀ ୬ରେ ଏହି ଚ୍ୟାନେଲର ଶୁଭାରମ୍ଭ କରାଯାଇଥିଲା।
