ଡୁଙ୍ଗୁରିପାଲି, ୧୧।୬(ଡି.ଏନ.ଏ.)ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକ ସଭାଗୃହରେ ରବିବାର ରାଜ୍ୟ ଅର୍ଥ ଓ ଅବକାରୀ ବିଭାଗ ମନ୍ତ୍ରୀ ନିରଞ୍ଜନ ପୂଜାରୀଙ୍କୁ ସମ୍ବର୍ଦ୍ଧନା ଦିଆଯାଇଛି। ବିଡିଓ ସହଦେବ ସମାଧିଆଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମନ୍ତ୍ରୀ ପୂଜାରୀ ତାଙ୍କ ବକ୍ତବ୍ୟରେ ନାନାବିଧ ଉନ୍ନୟନ୍ନମୂଳକ କାର୍ଯ୍ୟଦ୍ୱାରା ଡୁଙ୍ଗୁରିପାଲି ବ୍ଲକକୁ ରାଜ୍ୟର ଏକ ସ୍ବତନ୍ତ୍ର ବ୍ଲକର ପରିଚୟ ଦେବାକୁ ଚେଷ୍ଟା କରିବି ବୋଲି କହିଥିଲେ। ସମ୍ମାନୀତ ଅତିଥିଭାବେ ବ୍ଲକ ଅଧ୍ୟକ୍ଷ ମକରଧ୍ୱଜ ସାହୁ, ଡବ୍ଲୁଡିସି ସଭ୍ୟ ହିମାଂଶୁ ଶେଖର ବିଶ୍ୱାଳ, ସମିତି ସଭ୍ୟ ସଂଘ ସଭାପତି ମନୋଜ କୁମାର ପୁରୋହିତ, ଜିଲା ପରିଷଦ ସଭ୍ୟା ମମତା ମଟାରୀ, ସରପଞ୍ଚ ସଂଘ ସମ୍ପାଦକ ଲବ ମେହେର, ମନ୍ତ୍ରୀଙ୍କ ବ୍ଲକ ପ୍ରତିନିଧି ରମେଶ ପୂଜାରୀ ମଞ୍ଚାସୀନ ଥିଲେ ା ଅତିଥିମାନେ ସେମାନଙ୍କ ବକ୍ତବ୍ୟରେ କେବଳ ଡୁଙ୍ଗୁରିପାଲି ବ୍ଲକ ନୁହେଁ, ସୁବର୍ଣ୍ଣପୁର ଜିଲାର କିଭଳି ବିକାଶ ହୋଇ ପାରିବ ସେ ବିଷୟରେ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ। ଏହି ଅବସରରେ ବ୍ଲକ ଆଇସିଡିଏସ, ଆରଏମସି, ବଣିକ ସଂଘ, ମହିଳା ଏସ୍ଏଚ୍ଜି, ସରପଞ୍ଚ, ସମିତି ସଭ୍ୟ, କୃଷି ବିଭାଗର ସମସ୍ତ କର୍ମଚାରୀ ଓ ଗଣମାଧ୍ୟମ ପ୍ରତିନିଧିମାନେ ଉପସ୍ଥିତ ଥିଲେ ା